16 C
Pontevedra
Martes, 21 de Maio de 2024
Máis
    HomeBaixo MiñoA GuardaA Guarda celebra o Día do Libro con descontos nas librerías, programación...

    A Guarda celebra o Día do Libro con descontos nas librerías, programación cultural e a ‘IV Ruta do Libro’

    O vindeiro 23 de abril celébrase o Día internacional do Libro e na Guarda unímonos a esta celebración a nivel mundial con variadas actividades entre as que destacan principalmente o desconto do 10 % en libros durante todo o día nas librerías Cervantes, Atlántica, Ideas e Ler, así como o inicio da IV Ruta do Libro.

    A ruta do libro é unha iniciativa que pretende fomentar o consumo de libros no comercio local, mediante a cal polo gasto mínimo de 3 0€ en libros poderase obter un agasallo a recoller na Biblioteca Municipal. As datas da campaña van do 23 de abril ao 25 de maio.

    Ademais destas iniciativas de carácter comercial o mes de abril e de maio está repleto de actividades relacionadas coa literatura, así o 20 de abril ás 18:00 h unha obra de teatro de monicreques recupera as Fábulas da Montaña que escribira Concepción Arenal, e nas que se aprecia o enfoque diferenciado do punto femenino e autóctono fronte outras fábulas anteriores como as de Samaniego ou La Fontaine. Esta proposta está indicada para tódolos públicos a partir de 8 anos.

    No día 27 de abril ás 20:30 h será o momento de recuperar a figura de Emilia Pardo Bazán, cunha proposta de narración oral na que a narradora Cris de Caldas unirá os contos da tradición oral das nosas avóas cos contos e historias de Doña Emilia. Ambas citas serán no Salón de Actos do Centro Cultural e non precisan de reserva previa.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.