20.8 C
Pontevedra
Martes, 27 de Setembro de 2022
Máis
    HomeBaixo MiñoA GuardaPP e Converxencia Galega votan en contra dunha subvención de 600.000 €...

    PP e Converxencia Galega votan en contra dunha subvención de 600.000 € para o pavillón da Sangriña na Guarda

    No pleno celebrado o venres no concello da Guarda un dos puntos da Orde do Día era a aprobación do Proxecto de execución de reforma e ampliación do pavillón polideportivo da Sangriña, cun orzamento de 1.674.024 € e cuxa aprobación plenaria era requisito fundamental para presentalo a liña de subvencións ReacPon (Reacciona Pontevedra Provincia) da Deputación de Pontevedra, na que se financian aqueles proxectos que consigan maior puntuación segundo criterios de madurez do proxecto, contribución a unha economía descarbonizada, calidade do proxecto e consecución dos obxectivos da Axenda 2030.

    O proxecto básico, que serviu de base ao que se presentou no pleno, foi redactado por técnicos da Deputación en 2019. Dende aquel momento foi presentado polo alcalde, Antonio Lomba, diante de responsables políticos da Xunta e da propia Deputación co obxectivo de buscar financiamento para o mesmo, argumentando sempre que un equipo como o Atlético Guardés de balonmán feminino necesitaba unhas instalacións máis acordes coa súa categoría, sobre todo despois de gañar a liga da División de Honra do balonmán feminino nacional en 2017. Tanto dende a Xunta como dende Deputación teñen manifestado en distintas ocasións a intención de colaborar na reforma e ampliación do pavillón, ocasión que se presenta na actualidade.

    O proxecto aprobouse finalmente no Pleno grazas ao voto de calidade do alcalde ao producirse un empate na votación co posicionamento favorable do equipo de Goberno socialista e dos concelleiros presentes do BNG e en contra do Partido Popular e do concelleiro de Converxencia Galega.

    Para o alcalde, Antonio Lomba, resulta “inexplicable” que unha parte da Corporación renuncie a conseguir unha subvención que pode alcanzar os 600.000 € para modernizar unhas instalacións deportivas que necesitan esta renovación. “Este posicionamento non o merece o club Atlético Guardés nin os veciños e veciñas da Guarda, máxime cando dende outras administracións, tanto da Xunta como Deputación, recoñecen que é necesaria esta modernización”, explica o alcalde Antonio Lomba.

    Segundo o alcalde, “agora toca volver a falar de novo coa Xunta de Galicia para pedir que cofinancie esta actuación xunto coa Deputación e Concello, cumprindo desta maneira o compromiso que o mesmo presidente Feijoo expresou ás xogadoras e representantes do club en 2017 con motivo da recepción polo campionato de liga”.

    Para os que falan dun novo pavillón dicirlles que na actualidade o concello non dispón de terreos coa cualificación adecuada para a construción do mesmo, pero informar tamén que o equipo de goberno, conscientes de que hai que aproveitar as oportunidades como a que se presenta na actualidade, ven traballando dende fai anos nun Plan Especial de Infraestruturas Deportivas na zona da Sangriña, no entorno da piscina, para que no futuro, cando se presente a oportunidade de construír un novo pavillón, teñamos terreos para facelo.

    Agora é momento de aproveitar a ocasión que se presenta, a de reformar e ampliar o pavillón para conseguir a renovación total do edificio, cunhas instalacións máis modernas que, entre outras cousas contemplan unha nova fachada, unha nova bancada no fondo, a creación dunha planta superior para a circulación de espectadores e acceso seguro ás gradas, unha zona para espectadores en cadeira de rodas, catro vestiarios xerais, un vestiario accesible, un vestiario para árbitros, dous núcleos xerais de aseos, tres aseos accesibles, un area de prensa, novas zonas de paso inferiores, almacéns etc. Ademais haberá unha importante mellora na accesibilidade e na eficiencia enerxética do edificio. Teremos un pavillón como A Guarda e o Atl Guardés se merece.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS