16 C
Pontevedra
Martes, 21 de Maio de 2024
Máis
    HomeBaixo MiñoA GuardaO PSOE da Guarda asegura que o municipio ten “un alcalde ausente...

    O PSOE da Guarda asegura que o municipio ten “un alcalde ausente ”que non fai o traballo que se espera del”

    Ante dúas cuestións lanzadas pola portavoz do Grupo Municipal Socialista durante o punto de Rogos e Preguntas do último pleno, o alcalde evadiu de xeito directo a súa responsabilidade como rexidor e demostrou o pouco que lle importan o noso pobo e a súa cidadanía.

    O PSdeG-PSOE da Guarda asegurou que o municipio ten “alcalde ausente que non fai o traballo que se espera del” logo que no último Pleno “evadira de xeito directores ” a súa responsabilidade ante dúas cuestions formuladas polo grupo socialista, unha delas relacionada co ferri.

    O PSOE solicitou información sobre cando se ía ter de novo conexión con Caminha, e que pasaba co pantalán de atraque que aínda non chegou a instalarse, cando m, aseguran os socialistas, “el mesmo asegurounos nunha reunión mantida con nós en novembro de 2023, que o pantalán estaría instalado nunhas semanas”.

    A outra cuestión estaba relacionada coa Estación Marítima da Pasaxe. Cómpre lembrar que a Estación Marítima é un edificio que pertence a Portos de Galicia e que inicialmente estaba cedido ao Concello da Guarda ata xuño de 2029. 

    O anterior equipo de goberno sacou a última licitación para a explotación da cafetería da Estación Marítima en marzo de 2022, e á mesma presentáranse dúas empresas locais interesadas, pero pouco despois de saír a licitación, Portos de Galicia decidiu rescindir a concesión alegando cuestións normativas, e tivo que paralizarse o proceso posto que o edificio deixaba de estar cedido ao Concello.  

    Un ano despois do cese da concesión, durante unha visita á Guarda da Responsable de Portos de Galicia, e ante a pregunta do concelleiro socialista Rafa Alvarez de que tiñan previsto facer coa Estación Marítima, comentou que estaban perfilando un proxecto para ese edificio, pero que nese momento non podían darlle ningunha información ao respecto. 

    Dado que xa pasou un ano desa conversa, durante o pleno, tamén lle preguntou o Grupo Socialista ao alcalde “se tiña algunha noticia nova sobre este tema”.

    A súa resposta para estas dúas preguntas foi a mesma: “Para sabelo poden preguntarlle directamente a Portos de Galicia,porque son temas que non dependen do Concello”. 

    Cando os socialistas sinalaron que que “o normal sería que o alcalde estivera informado daqueles asuntos, que aínda sendo competencia doutras administracións, afectan á nosa cidadanía”, volveu a insistir no mesmo: “Diríxase vostede á administración responsable dese tema”. 

    “Ante a nosa sorpresa, volvemos a insistir preguntándolle se lle diría o mesmo a un/ha cidadán/a que lle fixera a consulta, e insistiu en que lle daría a mesma resposta que a nós. Que o/a animaría e axudaría a presentar unha instancia a través do Portelo Único dirixida a Portos de Galicia” explican os socialistas guardeses.

    Pola sua banda o Grupo Municipal Socialista presentou, o 8 de abril, unha instancia dirixida a Portos de Galicia solicitando que lle dean resposta e aclaren as dúbidas en relación a estes temas “dado que a nós si que nos preocupa ter informada á cidadanía, e vendo que ao Alcalde parece non importarlle nin a conexión con Caminha nin que a estación Marítima se caia a pedazos”, afirman. 

    Finalmente os socialistas guardeses afirman estar seguros da conclusión “á que levamos chegando durante todos estes meses de goberno: A Guarda ten un alcalde ausente que non fai o traballo que se espera del”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.