14.6 C
Pontevedra
Domingo, 25 de Febreiro de 2024
Máis
    HomeBaixo MiñoA GuardaO indie rock chaga este sábado á Guarda da man de «Inertes»

    O indie rock chaga este sábado á Guarda da man de «Inertes»

    O concerto, que terá lugar ás 20 horas na Praza do Reló, forma parte da programación de Nadal 2019/2020 do Concello da Guarda

    Este sábado día 28 de decembro ás 20:00 h a Praza do Reló acolle o Concerto do grupo ‘Inertes’, enmarcado na Programación de Nadal 2019/2020. No caso de que as condicións meteorolóxicas foran adversas, o concerto trasladarase ao Centro Cultural con entrada libre ata completar o aforo.

    ‘Inertes’ é un grupo vigués que non pasa desapercibido alá por onde deixa pegada coa súa música nos escenarios a nivel nacional. O seu terceiro e último traballo é un disco con alma de directo e tal e como eles mesmos o definen, un “discometraxe” formado por 10 temas de composición propia plasmando todas as influencias que tiveron nos últimos anos, tanto no campo musical como no emocional, e sempre moi ligado á imaxe cinematográfica. ‘Zona16mm’ é este traballo que lles ten levado por salas de todo o país, ofrecendo máis de 30 concertos na súa pasada xira de 2017.

    Co son das súas guitarras en primeiro plano, atrévense a probar novos esquemas de cancións cheas de matices e inesperados contrastes, que terán a ocasión de gozar este sábado na Guarda veciñanza e visitantes.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.