17.6 C
Pontevedra
Luns, 15 de Abril de 2024
Máis
    HomeBaixo MiñoA GuardaO Concello da Guarda tínguense de verde para conmemorar o Día Mundial...

    O Concello da Guarda tínguense de verde para conmemorar o Día Mundial contra o Cancro

    O Concello da Guarda súmase esta semana á conmemoración do Día Mundial contra o Cancro iluminando a fachada da Casa do Concello na Praza do Reló. Deste xeito o Concello, que manterá o alumeado ata as 8.00 horas do vindeiro luns día 7 de febreiro, únese á demanda da Asociación Española Contra o Cancro para visibilizar e difundir esta doenza e concienciar á sociedade sobre a enfermidade.

    O Día Mundial Contra o Cancro celébrase cada ano dende o 2000 o 4 de febreiro promovido pola Organización Mundial da Saúde, o Centro Internacional de Investigacións sobre o Cancro e a Unión Internacional contra o Cancro. O principal obxectivo desta efeméride consiste na mobilización social para avanzar cara a prevención, investigación, concienciación e control desta doenza, facendo un chamamento á participación e compromiso de todas e de todos.  Este ano e os vindeiros dous o lema do Día Mundial contra o Cancro será o mesmo “Por uns coidados máis xustos”, para facer un chamamento e reivindicar a falta de equidade existente no mundo en canto á atención oncolóxica.

    Cada ano diagnostícanse no mundo máis de 14 millóns de casos novos de cancro, unha enfermidade que provoca preto de 10 millóns de mortes anuais. Segundo os últimos estudos prevese que un de cada dous homes e unha de cada tres mulleres teña cancro nalgún momento da súa vida. A prevención é fundamental  para poder incrementar as posibilidades de curación e mellorar a calidade de vida das persoas que a padecen.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.