11.6 C
Pontevedra
Martes, 16 de Abril de 2024
Máis
    HomeBaixo MiñoA GuardaGran éxito de participación no II Torneo de Petanca Concello da Guarda

    Gran éxito de participación no II Torneo de Petanca Concello da Guarda

    As pistas deportivas do Codesal acolleron na xornada do pasado sábado día 20 de agosto a segunda edición do Torneo de Petanca Concello da Guarda.

    Unha xornada de deporte e lecer na que participaron máis dunha vintena de equipos de toda Galicia, baixo o convite lanzado dende o clube local, Clube de Petanca O Caldeiro.

    O deporte da Petanca ten experimentado nos últimos anos un gran incremento de xogadores e de competicións, o que motivou a que o Concello da Guarda apostase pola mellora das infraestruturas deportivas na zona do Codesal, onde o Clube Local desenvolve os seus adestramentos e competicións, sendo un dos clubes con máis deportistas federados.

    A xornada do sábado, que contou cunha gran asistencia, tanto de participantes coma de público, rematou sobre as 21:30h da noite coa entrega de trofeos e medallas aos diferentes clubes participantes por parte das autoridades locais.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.