11.8 C
Pontevedra
Venres, 21 de Xuño de 2024
Máis
    HomeBaixo MiñoA GuardaA Guarda saca a licitación obras de mellora na Piscina Municipal e...

    A Guarda saca a licitación obras de mellora na Piscina Municipal e no entorno da Igrexa

    O Concello da Guarda ven de sacar a licitación as obras para a revisión e actualización das instalacións da Piscina Municipal da Guarda, unhas obras que contan cun prazo de execución de 2 meses e que teñen un orzamento de 84.638,52€ IVE incluído.

    Por outra banda, o Concello da Guarda tamén ven de sacar a licitación o subministro de mobiliario para a humanización do entorno da Igrexa de Santa María da Guarda, que cun prazo de 1 mes, contan cun orzamento total de 54.883,88€ IVE incluído.

    O prazo de presentación de ofertas para estas dúas licitacións por parte das empresas interesadas está aberto ata o vindeiro día 30 de decembro e os pregos de contratación están a disposición no perfil do contratante do Concello da Guarda e na Plataforma de Contratación do Sector Público.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.