17.9 C
Pontevedra
Mércores, 5 de Outubro de 2022
Máis
    HomeBaixo MiñoA GuardaA Guarda presenta un plan de crecemento dun 10 % anual no...

    A Guarda presenta un plan de crecemento dun 10 % anual no sector da flor cortada

    O Consorcio da Zona Franca analiza as posibilidades de apoio ao sector da flor cortada e planta ornamental, que conta cunha produción relevante na área de Vigo. Con este obxectivo realizará un estudo específico deste sector na zona do Baixo Miño, dentro do plan estratéxico que ten en marcha para a provincia. Ademais, o delegado do Estado, David Regades, acompañado polo alcalde da Guarda, Antonio Lomba, recibiu aos directivos da primeira empresa galega do sector, Flores Toxal, que lle presentaron o seu plan de investimento para crecer un 10% anual ata 2030.

    O delegado do Estado, David Regades, explicou que “o sector da flor cortada e a planta ornamental ten un potencial de crecemento importante polas condicións climatolóxicas idóneas do sur de Galicia, por iso desde a empresa de capital risco Vigo Activo estamos a estudar as posibilidades de acompañar o proceso de crecemento”.

    O alcalde da Guarda, Antonio Lomba, entende que “é moi importante para A Guarda a implicación de Zona Franca apoiando ao sector empresarial, temos moito potencial para levar adiante proxectos que reactiven a comarca e actúen como dinamizadores da economía e o emprego”, por iso agradece a recepción por parte do delegado do Estado.

    A empresa Flores Toxal, con sede na Guarda, ten máis de trinta anos de actividade e, ademais da produción propia, comercializa flores cortadas de agricultores da zona e do resto de España e importa flores. A compañía prevé un crecemento este ano que rolda o 38%, a pesar de que as vendas se han visto afectadas polas restricións da pandemia, xa que o mercado da flor cortada está ligado co lecer e as celebracións. Só a produción de Lilium creceu un 90%.

    Os empresarios Serafín Domínguez Santomé e Alfonso Álvarez Cobián fixéronse coa dirección tras a xubilación dos anteriores socios e puxeron en marcha un plan de investimento que prevé alcanzar un crecemento medio anual en vendas do 10% ata 2030.

    Entre as súas fortalezas, está unha carteira de máis 400 clientes en toda España e que en 2021 empezaron as exportacións a Holanda, como socios de Royal Flora Holland.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS