26.6 C
Pontevedra
Venres, 20 de Maio de 2022
Máis
    HomeA ParadantaCoveloCovelo aposta pola sinalización intelixente da reitoral e da igrexa de Barcia...

    Covelo aposta pola sinalización intelixente da reitoral e da igrexa de Barcia de Mera

    As novas tecnoloxías favorecen o acceso aos recursos arquitectónicos e culturais

    O Concello de Covelo executou o proxecto de mellora da contorna da igrexa de San Martiño e da casa reitoral de Barcia de Mera  ao abeiro das bases de subvencións  para actuacións de mellora das infraestruturas turísticas de Turismo de Galicia. O Concello investíu un total de 29.908,53€ recibindo o 100% do apoio da Axencia Turismo de Galicia, órgano dependente da Vicepresidencia da Xunta.

    Con este proxecto o goberno de Covelo centrou os seus esforzos en dotar á zona de servizos inexistentes como o alumeamento; na substitución de materiais danados polo paso do tempo ou inaxeitados estéticamente e na oferta de paneis informativos tecnolóxicamente avanzados.

    Por un lado, esta iniciativa permitíu a implantación de sinalización intelixente. Duas mesas informativas favorecen o acceso aos recursos arquitectónicos e culturais a través das novas tecnoloxías.  Nestes atrís informativos atopamos unha serie de códigos Bidi ou QR que dan acceso a unha aplicación móbil na que os e as visitantes coñecerán a arquitectura monumental e a súa historia construtiva. A aplicación, vinculada ao Google Maps, é gratuíta para as persoas usuarias e permitirá acceder aos seus contidos en tres idiomas (galego, castelán e inglés).

    “O rico patrimonio arqueolóxico, ambiental, histórico e monumental, a arquitectura civil e relixiosa, xunto a unha contorna de elementos naturais e monumentais salientables constitúe unha base sobre a que o concello pretende posicionarse coma destino turístico de calidade”, explica o alcalde Pablo Castillo.

    Gañar en sensibilización respecto do coidado e preservación dos recursos e do medio cultural, todos eles non renovables, e favorecer a difusión e coñecemento dos recursos patrimoniais endóxenos son algúns dos obxectivos que persegue o proxecto.

    Colocación de novo alumamento

    Así mesmo, ante a inexistencia de alumamento na zona, o proxecto contemplou a colocación de elementos de iluminación para o que se procedeu á desmontaxe da antiga instalación eléctrica na contorna retirando apliques, focos deteriorados e a canalización soterrada e grapada ao muro; todos eles elementos que non funcionaba. A continuación realizouse a instalación dunha nova liña de baixa tensión e colocáronse sete proxectores LED de exteriores no chan, paredes e teitos que iluminan as fachadas da casa reitoral e da igrexa. Tamén se colocaron tres luminarias LED compactas de exterior que iluminan as escaleiras de acceso á igrexa.

    O proxecto completouse coa instalación dunha nova varanda  no acceso ás escaleiras e coa ocultación dos contedores de lixo cunha pantalla cubre-conteedores de madeira para exterior tratada con protector funxicida, insecticida e hidrófugo.

    A igrexa de San Martiño de Barcia de Mera acolle cada ano o Ciclo de Música Relixiosa que atrae ao público amante da música culta e achéganos a autores, músicos e grupos do panorama internacional.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS