O Concello de Arbo, adxudica a contratación da segunda fase das obras de ensanche e mellora do camiño de Urzal–Cividade a traves da plataforma de contratación do Concello. Os traballos, que daran comezo nas vindeiras semanas, realizaránse sobre un treito do camiño existente no lugar de Urzal na parroquia de Barcela e do que xa se executou o ano pasado a súa primeira fase.
O importe do contrato ascendería á cantidade de 90.978,94 € (IVE do 21% incluído que ascende a 15.789,73 €) e conta coa subvención da Deputación de Pontevedra a través do Plan Concellos.
Con esta iniciativa, o Concello de Arbo busca mellorar a súa rede viaria municipal, reparando as estradas e pistas asfaltadas, e pavimentando completamente as pistas que teñen firme de terra. Unha das súas prioridades do Goberno que preside Horacio Gil “e mellorar a seguridade viaria en todas as súas estradas, executando ensanches e mellorar o trazado nos tramos mais perigosos”.
Dada a amplía superficie do municipio e o gran numero de estradas existentes, a tarefa de mantelas todas en perfecto estado “é complicada”, explica o alcalde Horacio Gil, sendo necesarios proxectos de pavimentación “que rexeneren completamente a rodadura en ditas estradas e que melloren a seguridade viaria coa optimización do trazado”.
Coas actuacións previstas pretendese mellorar o servizo que ofrece para os usuarios o camiño Urzal–Cividade, obxecto da obra, “pois é un camiño utilizado, tanto por vehículos como por peóns, prevéndose a súa mellora e pavimentación, ao atoparse en mal estado, e así dar continuidade ao mellorado nunha primeira fase”, di Horacio Gil.
