16.4 C
Pontevedra
Venres, 14 de Xuño de 2024
Máis
    HomeA ParadantaArboArbo abre a preinscrición de novas solicitudes para o Punto de Atención...

    Arbo abre a preinscrición de novas solicitudes para o Punto de Atención á Infancia no curso 2020/2021

    O Concello de Arbo, para dar cumprimento ao Regulamento de Réxime Interno do PAI (Punto de Atención á Infancia), sito en Barcela, vén de poñer en coñecemento de todos os interesados e interesadas a apertura do prazo de prescrición para novas solicitudes cara ao comezo do curso 2020/2021 (de setembro a xullo).

    O prazo de entrega destas novas solicitudes, que inicialmente debería ter comezao o pasado 16 de marzo, foi suspendido por motivo sanitarios derivados da crise da Covid-19, agora retómase de novo este procedemento e ábrese o prazo dende o día 2 ata o 16 de xuño de 2020.

    Unha vez rematado o prazo, aplicaranse os criterios de admisión que aparecen no artigo 8 do Regulamento. A partir do 16 de xuño de 2020 farase público a listaxe provisional de nenas/os admitidas/os para o seguinte curso e a listaxe de agarda (se a houbese), e abrirase un período de 15 días para presentar reclamacións. A continuación publicarase a listaxe definitiva.

    Os modelos de solicitude poden descargarse a través da páxina web do Concello (www.concellodearbo.es), ou ben, poden recollerse e presentarse nas dependencias de Servizos Sociais, 2º andar (mediante cita previa). A presentación tamén se poderá facer a través da sede electrónica do Concello de Arbo para aqueles que dispoñan de algún sistema de identificación electrónico (sistema clave, certificado dixital, …)

    Para calquera dúbida, poden contactar telefonicamente chamando ao Concello de Arbo 986 66 50 00 ou no teléfono 627 459 808, en horario de 8:00 h a 15:00 h.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.