O alcalde da Cañiza recibiu na Casa do concello aos oficiais da BRILAT do operativo “Centinela Galego” desplegado na Cañiza. Trátase dunha operación de reforzo para loitar e previr os incendios forestais, posta en marcha o pasado 15 de agosto.
O Xefe de Patrullas, sarxento Marcos, e o Oficial de Enlace da provincia de Pontevedra, brigada Lamas, informaron ao alcalde sobre esta estratexia, que permanecerá activa ata o vindeiro 30 de setembro. Inicialmente despregarase un total de 30 patrullas terrestres nas zonas da comunidade con maior actividade incendiaria, unha delas nas comarcas do Condado – Paradanta, con sede única na Cañiza, que integra todos os Concellos do Distrito XVII e o Concello de Melón, pertencente ao Distrito XI Ribeiro – Arenteiro.
Ademais dos labores de vixiancia continua, que contarán con drons, os efectivos militares despregados realizarán unha importante acción de disuasión e visibilidade. Este sistema de prevención efectiva se fundamenta na disposición dun sistema de detección e alerta temprana que permite a actuación dos equipos en tempo e forma.
Nesta primeira reunión, Luis Piña agradeceu a “esencial labor que o Exército leva desenvolvendo nestes anos na loita contra os incendios, corroborado polas estadísticas que marcan un importante descenso dos incendios nos nosos montes”. O rexedor, un ano máis lle transmitiu aos oficiais “a vontade do consistorio de colaborar e traballar conxuntamente sempre que a situación o requira”.
No ano 2019, o Luis Piña adoptou a decisión de buscar un mellor emprazamento para as patrullas con sede na Cañiza que ata o 2018 se aloxaban nos comedores e anexos do Centro de Ensinanza de Carballo do Marco. Nese ano adaptouse o Centro Cultural O Pateiro de Oroso para que estes efectivos poideran disfrutar de maior comodidade. A estes efectos dotouse á instalación de auga potable coa construcción dun pozo, de quentador de auga e de duchas. Ademáis contan cun espazo único para a instalación das habitacións e outro para o posto de mando.
