17.6 C
Pontevedra
Luns, 15 de Abril de 2024
Máis
    HomeA ParadantaA CañizaA Cañiza recibe a visita do Presidente da Confederación Hidrográfica Miño Sil

    A Cañiza recibe a visita do Presidente da Confederación Hidrográfica Miño Sil

    Esta mañá visitou o Concello o Presidente da Confederación Hidrográfica Miño Sil, José Antonio Quiroga, para coñecer e tratar co alcalde, Luis Piña, as principais problemáticas relacionadas coas depuracións de augas residuais, saneamentos e limpeza de cauces de ríos así como dos sistemas de abastecemento de augas de consumo aínda que esta é unha competencia de Augas de Galicia da Xunta.

    O alcalde explicou ao Presidente todo o traballo que dende hai ano e medio o Concello está desenvolvendo para dar luz a toda a infraestrutura de augas municipais da Cañiza.

    Outro dos temas importantes da axenda desta reunión foi coñecer o estado dos informes que os técnicos da Confederación Hidrográfica están desenvolvendo en colaboración co Concello, para coñecer polo miúdo a situación real da depuración de augas da Cañiza.

    Estes informes teñen como base e punto de partida o estudo integral realizado polo Concello sobre o estado das redes de colectores e depuración de augas residuais e o estudo técnico sobre as novas redes de alcantarillado que serían necesarias construir para que o servizo de saneamento chegue á maior parte do noso territorio, co obxectivo de ir camiñando cara a excelencia medioambiental. Estes estudos, presentados os pasados meses de outubro e novembro de 2020 polo Alcalde, revelaron que o 41% da nosa poboación non dispón deste servizo básico.

    Os informes dos técnicos da Confederación levan xa uns meses en elaboración, cun amplo traballo de campo, e permitirán recoñecer as debilidades do Concello nesta materia para abordar axeitadamente as posibles solucións.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.