O Servizo de limpeza do casco urbano contará cunha nova máquina de varrer profesional de 600 L, tipo vehículo con motor a gasoil, cunha potencia mínima de 35 CV que cumple ademáis coa normativa de emisións 2016/1628/CE.
Se trata dunha máquina compacta e articulada que permitirá acceder a zonas e beirarrúas estreitas. Cun ancho dun 1,09m e un largo de 3,90 m, ten un ángulo de xiro de tan só 139 cm e pode traballar nun ancho de barrido de 2 m.
Unha adquisición subvencionada ao 100 % co importe do Fondo de Compensación Ambiental 2022 da Xunta de Galicia que lle corresponde ao Concello da Cañiza. Un total de 79.600,43 euros para o investimento no proxecto presentado polo Concello baixo a denominación “Adquisición de máquina de varrer profesional para actuacións de protección do medio ambiente e do espazo natural”.
Con transmisión hidrostática a través de 4 motores independentes en cada roda e tracción permanente, a varredora ten unha velocidade de transporte e de barrido de 25 km/hora, chasis articulado e oscilación compensada integrada.
A máquina rotulada co escudo oficial e o novo logo-marca do Concello e do Fondo de Compensación Ambiental da Xunta, estará en garantía durante un ano, incluindo asistencia técnica e mantemento preventivo e correctivo.
Tamén esta mañá a empresa BAYGAR comezou a formación do persoal municipal adscrito ao servizo de limpeza viaria que será o encargado da súa conducción e utilización.
A adquisición desta nova varredora permitirá optimizar os recursos do servizo de limpeza viaria en beneficio dunha maior aperatividade e calidade ambiental e do medio natural en todo o Concello.
