18.5 C
Pontevedra
Martes, 5 de Xullo de 2022
Máis
    HomeVal MiñorBaionaGran estrea en Galicia da «Liga Española de Vela»

    Gran estrea en Galicia da «Liga Española de Vela»

    A tripulación do Real Club Náutico de Arrecife con Leonardo 'Nete' Armas á cana colocouse líder tras impoñerse aos seus 9 rivais nas 8 probas disputadas cun deseño de liguiña de todos contra todos

    Gran estrea en Galicia da liga Española de vela ‘Trofeo Loterías e Apostas do Estado’, que o Monte Real Club de Iates organiza estes días en Baiona por delegación da Real Federación Española de Vela. As Rías Baixas recibiron este venres á frota de 10 participantes dos diferentes clubs españois que aspiran a converterse no representante nacional na liga Europea de Vela, un privilexio que se lle concederá ao gañador desta competición.

    Na xornada inaugural, a tripulación do Real Club Náutico de Arrecife (Lanzarote), co subcampión do mundo e gañador de varias edicións da Copa do Rey, Leonardo ‘Nete’ Armas á cana, colocouse líder tras impoñerse aos seus rivais nas probas disputadas cun deseño de liguiña de todos contra todos.

    Os lanzaroteños participaron en 6 das 8 mangas disputadas asinando catro primeiros postos, un segundo e un terceiro. Tras finalizar a rolda, ‘Nete’ Armas mostrouse moi satisfeito polo gran traballo realizado pola súa tripulación.

    “Foron –dixo Armas– probas moi intensas e complicadas, moi curtas e cos barcos moi xuntos, pero tamén moi divertidas. A verdade –asegurou– é que as gozamos moito e os barcos (os Fígaro Beneteau do Monte Real), que estaban en moi boas condicións, non se nos deron nada mal”.

    O equipo do Real Club Náutico de Arrecife foi, sen dúbida, o mellor da primeira rolda, e chegará á segunda fase con 9 puntos no marcador, a 3 do seu rival máis directo, o equipo do Real Club Náutico da Coruña, liderado por Miguel Fernández, que vai segundo con 12 puntos.

    Na terceira posición sitúase o Real Club Náutico Gran Canarias do olímpico e campión do mundo de 420, Onán Barreiros, que con 14 puntos ostenta o bronce provisional.

    Esta primeira xornada da liga Española de vela ‘Trofeo Loterías y Apuestas del Estado’ celebrouse cunhas condicións que finalmente non foron tan complicadas como se prevía inicialmente. O vento soprou cunha media de 10 nós e picos de entre 13 e 14, e mantívose sen roles durante boa parte das probas, soprando do sur-suroeste.

    Os 10 clubs participantes competiron en igualdade de condicións, a bordo dos Fígaro Beneteau do Monte Real Club de Iates. Completáronse, en total, 8 percorridos barlovento-sotavento de dobre voltas con algo máis dunha milla de distancia en total, nunhas probas bastante áxiles que permitiron a rotación dos diferentes clubs segundo o sistema establecido de liguiña de todos contra todos.

    A xornada finalizou en terra cunha cea mariñeira á que asistiron todos os clubs participantes e membros dos comités e organización. Mañá sábado, se se cumpren as previsións, a competición retomarase ás 11 da mañá cun programa idéntico, de 10 probas técnicas na baía de Baiona.

    A liga Española de Vela finalizará o domingo coa celebración das últimas regatas e a entrega de premios aos gañadores.

    Clasificación Xeral (top 5) tras a primeira xornada

    1. Real Club Náutico Arrecife – Leonardo Armas – 9 Puntos
    2. Real Club Náutico A Coruña – Miguel Fernández – 12 Puntos
    3. Real Club Náutico Gran Canarias – Onán Barreiros – 14 Puntos
    4. Club Náutico Campello – Iván Moreno – 19,5 Puntos
    5. Club Náutico El Arenal -· Aina Colom – 19,5 Puntos

    COLABORACIÓNS

    ¡Hogueras de San Juan!

    Ha pasado la noche de San Juan y parece que todo vuelve a la normalidad. Si, porque se han vuelto a ver grupos de gente en las playas como si el virus no hubiera existido nunca. Me pregunto, si también será culpa de Rusia que el virus hubiera desparecido, porque ya todo el mundo está actuando como si nada. ¡Ah! espera, en los hospitales sigue habiendo gente ingresada con el covid y que todos los días sigue falleciendo enfermos a causa de esta enfermedad... pero ya no es noticia porque en la prensa apenas aparece en letra pequeña.

    Marilar Aleixandre, «Unha presa de terra»

    Se fai só algunhas semanas dabamos conta neste mesmo espazo dunha reedición ampliada da novela «Sobrevivindo», coa que Arantza Portabales gañara un coñecido premio de novela por entregas organizado por un xornal galego, o que hoxe traemos é un caso que semella calcado daquel.

    Nueva oportunidad para las aguas del río Tea

    Aprovechar nuestros recursos y sacar de ellos el mayor rendimiento posible es una estrategia de gestión que conviene seguir. De manera sencilla, se trata de potenciar aquello que ya tenemos, intentando hacerlo mejor y más atractivo, sin necesidad de comprar o importar elementos nuevos o extraños. Se trata de aplicar, por tanto, la eficiencia.

    Summer is coming

    Últimamente me está costando ser constante y escribir el último domingo de cada mes (aún gracias que ser puntual fue uno de los numerosos propósitos que me marqué para este 2022), así que os dejo el texto que correspondería al mes de mayo.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    13 POSTS0 COMMENTS
    Manrique Fernández
    66 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS