13.7 C
Pontevedra
Sábado, 18 de Maio de 2024
Máis
    HomeUltimas NoticiasArbo xa ten cartel anunciador da LXI Festa da Lamprea

    Arbo xa ten cartel anunciador da LXI Festa da Lamprea

    O artista navarro Maximiliano Cosatti, proclamouse gañador do concurso de Carteis LXI Festa da Lamprea coa súa obra 'Aromas de Arbo'

    Aromas de Arbo, do artista navarro Maximiliano Cosatti, proclamouse gañador do concurso de Carteis da Festa da Lamprea, un certamen que contou 30 propostas chegadas dende Sevilla, Murcia, Lleida, Ciudad Real, Jaén, Navarra e dende diversos lugares de Galicia. Os traballos foron valorados por un xurado integrado por profesionais da imaxe, da hostalaría, representantes de asociacións culturais de Arbo…. que valoraron a calidade técnica, a orixinalidade, a innovación do deseño e a facilidade de identificar e transmitir os sinais de identidade de Arbo.

    Click para ampliar

    Dende o Concello de Arbo, a pesar de que este ano no se vaian a celebrar as festas de maneira tradicional, decidiuse manter este concurso como unha actividade máis que oferta para promover a Lamprea e a Festa da Lamprea, ademais o cartel gañador servirá para ilustrar as actividades que se realicen durante o ano con motivo da LXI Festa da Lamprea.

    Hai un cartel gañador pero non haberá Festa da Lamprea, alomenos no formato que todos os veciños e veciñas de Arbo recordan, a causa das medidas sanitarias, para evitar aglomeracións e posibles contaxios, sen embargo durante os días da Festa haberá actuacións musicais polas rúas e ao longo do ano, sempre que a crise sanitaria o permita, intentarase recuperar algunha das actividades habituais da Festa da Lamprea.

    “Un concurso que cada ano vai acadando maior prestixo, no que se presentan deseños de toda a xeografía española, con moita calidade, forza e matices e que o xurado valorou positivamente a calidade e cantidade dos traballos presentados” – informa o alcalde, Horacio Gil, sobre un concurso que naceu da súa man durante os seus anos de Concelleiro de Cultura, así como o concurso de carteis e redacción para os alumnos e alumnas do CEIP Antonio Carpintero.

    Xunto co gañador navarro que acadou o primeiro premio, foron seleccionados Juan Francisco Castro Fernández de Sevilla co cartel “A de Arbo” que acadou o segundo premio e Tania González Martinez de Vigo que acadou o terceiro premio co cartel “Azul de Prusia”

    Será durante a ‘Gala da Lamprea’, que este ano, por mor da crise sanitaria, terá lugar en agosto, cando se fará entrega dos premios aos gañadores, deste concurso xa consolidado a nivel nacional.

    O 2 de abril de 2016 a Festa da Lamprea foi declarada de Interese Turístico Nacional, pola súa singularidade, arraigo, tradición e continuidade no tempo. Con este recoñecemento a Festa da Lamprea, cume da temporada lampreeira, exemplifica e festexa o papel da gastronomía coma arte de transcendencia económica, social e cultural, mais tamén, como vértebra da vida colectiva.

    “Desde aquel 1961, primeira Festa da Lamprea, Arbo celebrou ininterrompidamente 60 edicións da que é a nosa festa máis importante, e tamén das máis antigas de España. Miles de asistentes abarrotan cada ano os restaurantes da vila e os puntos de degustación situados no recinto, ‘Arbomostra’, onde se presentan racións de lamprea preparada de distintas formas xunto aos adegueiros do municipio que ofrecen os seus mellores viños” remata o edil Horacio Gil

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.