BNG e PSdG-PSOE asinan un acordo para dotar As Neves dun Goberno estable

O Bloque Nacionalista Galego (BNG) e o Partido dos Socialistas de Galicia (PSdG-PSOE) das Neves chegaron a un acordo que permitirá dotar ao Concello dun Goberno local estable, integrado por seis concelleiras e concelleiros. Segundo o pacto asinado este luns, As Neves contará con seis departamentos e dúas tenencias de alcaldía.

O PP podería gobernar en Salceda ao romperse as negociacións entre MS e PSOE

PSOE e Movemento Salceda veñen de romper negociacións lago da terceira reunión convocada, ao igual que as anteriores, por parte de MS para perfilar un posible pacto de goberno. Segundo Movemento Salceda, a comisión negociadora do PSOE "mantivo a posición de votar a Verónica Tourón para o posto de Alcaldesa", avalados pola decisión da Asemblea da Agrupación Socialista de Salceda, que segundo trasladou a comisión, "aprobou ata en tres ocasións por unanimidade a postulación de Tourón".

Digna Rivas aposta por un goberno de progreso “que priorice os intereses da veciñanza”

Digna Rivas, candidata do PSdeG-PSOE á Alcaldía de Redondela, amosou a súa intención de loitar por cumprir o expresado pola cidadanía na xornada electoral do domingo “que non é outra cousa que un goberno progresista”. Rivas amosouse aberta ao diálogo nunha etapa, na que dixo, “hai que actuar con moita cautela e prudencia para propiciar un cambio en Redondela e acadar un Goberno que antepoña ás necesidades dos veciños e veciñas a calquera outra consideración”.

Digna Rivas pecha a campaña ás municipais en Chapela e Redondela

A candidata a Alcaldía de Redondela polo PSdeG-PSOE, Digna Rivas, pechará a campaña das Municipais 2019 en Chapela e Redondela, logo de ter percorrido durante estes quince días, todas as parroquias redondelás mantendo encontros coa veciñanza e explicando, polo miúdo, o seu proxecto de Goberno. Ás 12:30 horas, Digna Rivas estivo na carpa que o PSdeG-Redondela tiña instalada diante do Centro de Saúde de Chapela. Alí, a candidata socialista falou cos veciños e veciñas e respondeu ás preguntas que estes e estas lles formularon.

O PSOE de Salceda aposta "pola industria local, o comercio e o emprego"

Os socialistas de Salceda, consideran esencial para o futuro da localidade o apoio á industria local e ó pequeno comercio. Cremos desde o PSdeG-PSOE –asegura a súa candidata á Alcaldía, Verónica Tourón– "nunha Salceda que sexa unha vila para vivir e traballar, non unha vila dormitorio onde a xente teña que desprazarse para ir mercar e traballar, quedando deserta durante o dia".

Chus Garrote advirte que o PP "quere dilatar a aprobación do PXOM"

A candidata socialista e Concelleira de Urbanismo, Chus Garrote, advirte que "o Partido Popular so quere dilatar a aprobación do PXOM e confundir á cidadanía actuando de maneira irresponsable a súa voceira Belén Villar nas súas funcións como concelleira da oposición". A concelleira socialista lémbralle á popular Belén Villar que "en novembro de 2018 abriuse un período de detección de erros para todo o mundo, canto máis para os concelleiros da oposición aos que se lles trasladou o documento nese mesmo mes contando tamén con liña directa co equipo redactor".

Juan González presenta, este venres, a súa candidatura ás municipais 2019

O alcalde socialista de Nigrán e candidato á reelección nas municipais do 26 de maio, Juan González, presenta este venres ás 20:30 horas no Auditorio Municipal de Nigrán a súa candidatura nun acto público aberto á participación da veciñanza, a quen precisamente invita a asistir. Esta primeira xuntanza, así como as que manterá en cada parroquia (a seguinte delas en Priegue o sábado 11 ás 20:30 no Centro Cultural O Torreiro) ten como obxectivo non só presentar as propostas do partido socialista para os vindeiros catro anos, senon tamén escoitar os desexos ou as preguntas dos veciños e veciñas.

  • Publicado en Nigrán

Os socialistas do Rosal presentan este sábado a súa candidatura ás Eleccións Municipais

Os Socialistas do Rosal presentan este sábado ás 12:00 h a súa candidatura ás Eleccións Municipais nun acto que terá lugar no Salón Multiusos do Centro Social Polivalente do Rosal e que será presentado por José Manuel Domínguez Freitas, exalcalde da Guarda. Na presentación intervirán o senador socialista, Modesto Pose e o candidato á Alcaldía, José Carlos Martínez Crespo..

  • Publicado en O Rosal
Suscribirse a este canal RSS