Tag: alumeado público

Antes de acabar este 2021 o alumeado público das Neves estará composto íntegramente por luminarias LED, de xeito que este concello será o primeiro do Condado que completará a renovación integral deixando definitivamente atrás o vello 'sistema' de vapor de mercurio.

O Concello de Salvaterra ven de adxudicar por un importe de 39.966,43€ obras de mellora e renovación do alumeado público exterior no rural, que comezan esta semana.

O alcalde da Cañiza, Luis Piña, acompañado pola concelleira do grupo de Goberno María José González e dun técnico da empresa Construeléctric Systems Galicia SL, visitaron as obras de mellora do alumeado público na contorna do Santuario da Franqueira e no que se cambiaron as oito luminarias dos arredores e a iluminación do santuario coa colocación de 10 proxectores de luz. A obra forma parte das melloras do proxecto de reforma integral do alumeado público de Valeixe.

O Concello de Tomiño comezou a semana pasada os traballos para renovar 217 puntos de luz situados en varios tramos das estradas PO-552, PO-344 e PO-553 (Ponte da Amizade), con arranxo ao convenio asinado coa Deputación de Pontevedra 'Iluminación Exterior Sostible II.

O Concello da Cañiza está a piques de rematar as obras que desenvolve de cara a mellorar e modernizar o alumeado público da parroquia de Valeixe. Amais da substitución dos báculos, por outros máis modernos e coa imaxe do Concello, elimináronse todos os puntos que ata agora facturábanse en alzado, cun alto consumo enerxético e penalizacións nas facturas, colocando novos contadores. Esta actuación tradúcese nun importante aforro, reducindo a factura mensual en máis do 50 %.

Esta semana arrancan as obras de cambio a led no centro urbano de Salvaterra de Miño contemplados nos proxectos Iluminación sostible nos BIC'S e Iluminación exterior sostible I que se enmarcar dentro do convenio de colaboración entre a Deputación Provincial de Pontevedra e o Concello de Salvaterra de Miño.

O alcalde da Cañiza, Luis Piña, visitou e repasou cun dos técnicos da empresa adxudicataria as obras de modernización do alumeado público que se están a desenvolver en Valeixe. Os traballos comezaron no pasado mes de abril e permitirán a substitución de 298 luminarias –44 en Taín, 46 en Barreiros, 17 en Chans, 27 en Abelán, 37 na Cruz, 17 en Paradela, 18 en Lameira, 38 en Cabo de Vila-Raxeira, 24 na Laranxeira, 15 na Chan e 6 en Carracedo–. Todas as luminarias son do modelo Laia de Isosi de 30 watios capaz de proxectar unha luz branca a 130 luminos/watio, de clase 2 en ador 4000K.

O Concello de Baiona seguirá sumando tecnoloxía LED á súa rede de alumeado público. Para iso vén de publicar o anuncio de licitación para a renovación de dito alumeado en diferentes puntos do rural baionés. O concelleiro responsable da iluminación pública, Óscar Martínez Álvarez, explica que o contrato "inclúe a substitución dun total de 158 luminarias por tecnoloxía LED de alta calidade".

O Concello de Baiona continúa co seu plan para mellorar a iluminación pública da localidade. Nese sentido, nestes días procedeuse á substitución das luminarias do vial da estrada principal de acceso á localidade desde a rotonda que dá inicio á Avenida Urbana de Sabarís ata a rotonda do monumento do Rey Alfonso IX.

A Concellería de Servizos Públicos que dirixe Lois Vázquez, vai emprender en breve unha Auditoría do Alumeado Público de Tomiño, tanto de subministro pública, coma das instalacións utilizadas no Concello. Os traballos levarán uns cinco meses para a súa realización, e comprenderán a inspección in situ de todas as instalacións de iluminación do municipio, así coma tamén a introdución en base de datos e sistema GIS de todos os datos do inventario de iluminación pública.

O concello da Guarda formalizou o contrato de 'Renovación e mellora da eficiencia enerxética do alumeado público do concello da Guarda'. A empresa concesionaria, New Energy Concept 2020 S.L. , disporá de 5 meses, dende a sinatura do contrato, para completar a actuación. O importe do proxecto ascende a 862.497,91 € dos cales o IDAE (Instituto para la Diversificación y Ahorro de Energía) subvenciona un 80% e o concello un 20 %.

O Concello de Baiona continúa co seu plan para mellorar a iluminación pública da localidade. Nese sentido, procedeuse á substitución de todas as luminarias do vial da estrada a Camposantos, desde a rotonda da saída a autoestrada en Rocamar ata o Rompeolas, por tecnoloxía LED, para así conseguir unha iluminación de maior calidade, unha maior eficiencia enerxética e un aforro de enerxía.

a Concellería de Medio Ambiente do Concello de Redondela, que xestiona Roberto Villar, vén de informar que os problemas de alumeado da Rúa Ernestina Otero, Campo da Petanca e Rúa Miña "débense a unha avaría grave no cableado soterrado que transcorre polas beirarrúas de Enerstina Otero e que precisará do levantamento de partes de dita beirarrúa para o su arranxo".

Financiado integramente cos fondos de compensación ambiental, por un valor de 14.541,65 €, vén de acometerse a obra no cadro do barrio da Moreira, na parroquia de Taboexa. Os traballos consisten no cambio do cadro de mando e de 29 puntos de luz. As características das novas luminarias de corpo de aluminio son unha potencia de 31,1 Watios e 3000 Kelvin de temperatura ou color.

O Concello de Nigrán ven de sustituír os 30 focos que iluminan o terreo de xogo do Campo Municipal de Condomínguez por nova tecnoloxía LED, investindo nelo un total de 6.700 euros que serán rápidamente recuperados grazas ao importante aforro enerxético que supón este troco.

Na sesión extraordinaria do Pleno da Corporación da Guarda celebrada na xornada deste martes día 10 de marzo de 2020, aprobouse por unanimidade o proxecto para a renovación do alumeado público, un proxecto para o modernizar ás instalacións iluminación e sinalización exterior por importe de 862.497,91 euros.

O Instituto para a Diversificación e Aforro de Enerxía (IDAE), dependente do Ministerio para a Transición Ecolóxica, vén de conceder ao Concello das Neves dúas subvencións por un importe total de 301.873,49 € para a renovación do alumeado exterior da vila. As achegas permitirán a a substitución de 749 luminarias e 24 dos 63 cadros de mando do actual sistema de alumeado municipal.