17.6 C
Pontevedra
Xoves, 29 de Setembro de 2022
Máis
    HomeO CondadoAs NevesAs Neves, primeiro concello do Condado en ter todo o alumeado público...

    As Neves, primeiro concello do Condado en ter todo o alumeado público con tecnoloxía LED

    Antes de acabar este 2021 o alumeado público das Neves estará composto íntegramente por luminarias LED, de xeito que este concello será o primeiro do Condado que completará a renovación integral deixando definitivamente atrás o vello ‘sistema’ de vapor de mercurio.

    Esta renovación abrangue preto de 2.500 puntos de alumeado, ademáis da substitución dos cadros eléctricos e os treitos máis deteriorados de todo o cableado, o cal supón varios quilómetros. Culmina, así, un traballo iniciado hai tres anos que tiña coma obxectivo, apunta o alcalde, Xosé Manuel Rodríguez Méndez, “chegar á totalidade do territorio municipal, retirando as vellas lámpadas obsoletas e contaminantes e colocando no seu lugar luminarias leds de alta tecnoloxía”.

    Aforro e redución da contaminación

    Rodríguez Méndez recalca que, en conxunto, o novo alumeado “ademais de subir a intensidade e claridade do actual mellorando de xeito considerábel o servizo ás veciñas e veciños, permitirá aforrar ás contas municipais máis dun 70 %, de media, no recibo eléctrico e reducir a emisión de CO2 á atmosfera”.

    Do mesmo xeito, están implantados sistemas intelixentes de telexestión enerxética nos ‘cadros da luz’ o que permitirá monitorizar o alumeado en tempo real e xestionalo punto por punto, permitindo regular a intensidade lumínica e programar o acendido e apagado en función das necesidades e das horas nas que haxa luz natural.

    O alcalde subliña que o orzamento anual para alumeado público foi este ano de 125.000 euros e en 2022 poderá ser de arredor de 37.500, o cal suporá un aforro de 87.500 euros. Esta cantidade, sinala o Rodríguez Méndez, irá destinada aos Servizos Sociais, de feito, engade, “no orzamento de 2021 xa se reordenaron 50.000 euros deste aforro no alumeado para o Servizo de Axuda no Fogar (SAF)”.

    As veciñas e veciños das Neves so aportaron o 17,86% de toda a inversión

    A renovación de todos o alumeado público das Neves tivo un orzamento total de 1.106.056,99 euros para os cales o Concello conseguiu unha financiación do 82.14% do total (900.198,77 €), isto supón, salienta o alcalde, que Concello das Neves so inviste un 17,86% (197.550,90 €), “unha cantidade que en 2 anos e medio estará recuperada grazas ao aforro na factura eléctrica”.

    Rodríguez Méndez, lembra que a maior parte da inversión realizada procede de achegas do Instituto para a Diversificación e o Aforro de Enerxía (IDAE), dependente do Ministerio para a Transición Ecolóxica e o Reto Demográfico, e de fondos europeos, acadados polo Goberno local nos últimos anos.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS