10.8 C
Pontevedra
Martes, 19 de Marzo de 2024
Máis
    HomeÉ NoticiaTrescentas persoas participarán este próximo domingo na DepoAndaina por Salvaterra

    Trescentas persoas participarán este próximo domingo na DepoAndaina por Salvaterra

    A cuarta das sete DepoAndainas programadas este ano pola Deputación de Pontevedra, que se celebrará este domingo 1 de setembro, esgotou xa as 300 prazas postas a disposición de todas as persoas da provincia pola institución provincial. A maiores, o Concello de Salvaterra poderá ofertar outras 50 prazas adicionais.

    A cuarta ruta do programa da Deputación, que esgotou as prazas antes de finalizar o prazo de inscrición, transcorrerá polo parque da Canuda e o paseo fluvial á Illa de Fillabona, no Baixo Tea

    As 300 persoas inscritas farán un percorrido que levaralles polo Parque da Canuda e o paseo fluvial á Illa de Fillabona, no Baixo Tea.

    É unha ruta só de mañá e a Deputación de Pontevedra pon a disposición das persoas inscritas autobuses desde Pontevedra e Vigo (con saídas desde a praza de Galicia no primeiro caso e desde a praza de España da cidade olívica) para que poidan desprazarse ata o punto de encontro (o Parque da Canuda, ás 10 da mañá).

    As DepoAndainas, o programa de rutas que desenvolve a Deputación para fomentar hábitos de vida saudable e promover o turismo sustentable, entrarán logo na súa recta final. En setembro se celebrará o itinerario polo Bosque encantado en Cangas e polas Illas Cíes en Vigo e, xa en outubro, terán lugar as dúas últimas rutas, polo monte de Santa Trega na Guarda e os muíños do Folón no Rosal, e pola ruta da Pedra e da Auga de Ribadumia.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.