7.7 C
Pontevedra
Martes, 31 de Xaneiro de 2023
Máis
    HomeÉ NoticiaOito de cada dez persoas que realizaron os cursos da Deputación de...

    Oito de cada dez persoas que realizaron os cursos da Deputación de español para inmigrantes, aprobaron o exame DELE A2

    A Deputación organizou no 2019 tres actividades formativas en Pontevedra e Vigo cara a superación da proba, requisito indispensable para a posterior obtención da nacionalidade española

    Un 87,8% do alumnado que realizou os cursos de español para inmigrantes organizados no 2019 pola Deputación de Pontevedra aprobou o exame do DELE A2, unha proba que é requisito indispensable para que poidan solicitar logo a nacionalidade española e cuxa taxa de exame tamén asumiu a institución provincial no marco destas actividades formativas. A presidenta Carmela Silva cualificou de “moi positivos” estes resultados e indicou que se está a preparar unha nova convocatoria das accións, que volverán desenvolverse ao longo deste 2020 nas súas sedes de Pontevedra e Vigo.

    Estes cursos chegaron a súa terceira edición o pasado ano e nos dous celebrados en Vigo e o desenvolvido en Pontevedra participaron un total de 55 persoas. A actividade está orientada á preparación do citado DELE A2 (Diploma de Español como Lingua Estranxeira, nivel A2), porque esta proba require unha preparación previa e ten un custo económico que dificulta o acceso á nacionalidade española para un determinado sector da poboación, complicando así o seu proceso de integración na provincia como cidadanía de pleno dereito. Deste xeito, coa celebración destas actividades formativas, que imparte persoal docente do Centro de Linguas da Fundación Universidade de Vigo e que están dirixidas a inmigrantes en situación administrativa regular maiores de 16 anos, “dáse apoio na consecución da titulación a poboación de países ou territorios non hispanofalantes, favorecendo o seu proceso de integración”.

    O alumnado participante nos dous primeiros cursos celebrados en Pontevedra e Vigo foi examinado do DELE A2 por persoal do Instituto Cervantes no mes de setembro, mentres que as persoas que participaron no último de Vigo fixeron a proba a finais de novembro. Os resultados, coa citada alta porcentaxe de aprobados, son valorados moi positivamente pola Deputación, sobre todo ao ter en conta que as persoas que se presentan a estes cursos teñen que compatibilizar a formación e os estudos co seu traballo ou as súas cargas familiares, para as que non teñen apoio.

    No que se refire aos primeiros dous cursos desenvolvidos no pasado ano, a maioría das 40 persoas asistentes foron mulleres. No celebrado en Pontevedra, a meirande parte proviña de Marrocos, aínda que tamén houbo alumnado procedente de Brasil, Rusia, Palestina e Ghana, mentres que no primeiro curso que tivo lugar en Vigo, a maioría das persoas participantes foron de Senegal, seguidas de cidadáns e cidadás de Marrocos, Brasil, Rusia, Ucraína, Angola e Irán. Por outra banda, a maioría das persoas que realizaron o terceiro curso, celebrado en Vigo, proviñan de Marrocos, seguidas de cidadáns e cidadás de Senegal e Nixeria.

    En total, á edición destas actividades no 2019, presentáronse 132 solicitudes para as prazas existentes. As clases comezaron no mes de maio e os cursos tiveron unha duración de 40 horas.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS