18.7 C
Pontevedra
Luns, 24 de Xuño de 2024
Máis
    HomeÉ NoticiaO Servizo Galego de Saúde reforza as vías para actualizar os datos...

    O Servizo Galego de Saúde reforza as vías para actualizar os datos da tarxeta sanitaria

    O Servizo Galego de Saúde salienta que a cidadanía galega ten a súa disposición varias ferramentas para actualizar os datos da tarxeta sanitaria. Ben a través da súa páxina web (www.sergas.es), se se ten certificado dixital para garantir a protección de datos do usuario, ou, tamén, acudindo ou chamando ao centro de saúde correspondente.

    Coa posta en marcha do Plan de Vacinación, o departamento sanitario galego pon a disposición da cidadanía outro número máis, o 981 569 540, que activa un desvío de chamadas para contar con maior número de operadores para, deste xeito, poder atender a demanda. Dado o elevado número de chamadas recibidas na xornada de onte, ao redor de 100.000, o Sergas lembra á cidadanía que, só é necesario que chamen, neste momento, os maiores de 80 anos que aínda non foron chamados para vacinar, e teñan a certeza de que os datos da súa tarxeta non están actualizados.

    Non é necesario que chamen os cidadáns que pertencen a colectivos como educadores, sanitarios, membros de Forzas de seguridade do Estado, etc, dado que estes son chamados a través dos datos, xa actualizados, que envían á Consellería de Sanidade os colexios profesionais ou entidades responsables de cada colectivo.

    Tampoco teñen que chamar para actualizar os datos as persoas que non teñan tarxeta sanitaria do Sergas, xa que son chamados polas listaxes que envían á Consellería de Sanidade, MUFACE, ISFAS, etc.

    Reforzo a traves do envío de SMS

    O Sergas reforza agora tamén as vías para actualizar os datos, co envío de SMS cun pequeño texto no que se lles pregunta aos cidadáns se os teléfonos adscritos á súa tarxeta son correctos. Se son correctos, non é necesario facer ningún trámite.

    As mensaxes de SMS enviaranse primeiro aos maiores de 80 anos, aos que se está a vacinar agora contra a covid, e logo á poboación en xeral por tramos de idade. Respecto á vacinación dos desprazados, todos os que están recoñecidos polo Servizo Galego de Saúde atópanse na base de datos, se foron ao seu centro de saúde a darse de alta, e serán chamados a vacinarse cando lles corresponda.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.