O delegado do Goberno en Galicia, Javier Losada, informou que no últimos tres días os Corpos e Forzas de Seguridade do Estado despregaron en Galicia un total de 1.281 dispositivos de seguridade nos que se identificaron a 22.439 persoas e controlado 16.069 vehículos.
Javier Losada explicou que, desde a entrada en vigor das novas restricións á mobilidade e os contactos sociais aprobados pola Xunta de Galicia, a Garda Civil e a Policía Nacional han sumado 512 propostas de sanción na Comunidade. Esta cifra supón que só un 2,2% do total de persoas identificadas incorría nalgunha sanción relacionada coa normativa antiCovid. O delegado do Goberno reiterou o alto grao de cumprimento que se observa entre a cidadanía á que traslada o seu agradecemento pola comprensión que está a manifestar #ante medidas que restrinxen os seus desprazamentos e actividades e que teñen un ben común, que é a contención da pandemia.
Nestas tres xornadas, a Policía Nacional efectuou 184 controis nos que identificou a identificou 6.716 persoas. A Garda Civil despregou 1.097 controis nos que identificou a 15.723 persoas. En canto a vehículos, a Policía controlou 4.435, mentres que o Instituto Armado fixo o mesmo con 11.634.
En canto ás propostas de sanción, 336 proceden da Garda Civil e 176, da Policía Nacional.
Javier Losada lembrou que as Forzas e Corpos de Seguridade do Estado continúan a súa intensa actividade fronte á COVID, con controis e dispositivos que se modulan en función da evolución das restricións sanitarias e da propia pandemia. Son os CECOR provinciais e autonómico os encargados de realizar o seguimento das disposicións e adaptar os medios e dispositivos policiais ás necesidades de cada provincia.
Finalmente, o delegado do Goberno lembrou á cidadanía que é necesario actuar con cautela e seguir as indicacións facilitadas polas Forzas e Corpos de Seguridade do Estado que, neste e o resto de casos, están para axudar á poboación.
