18.9 C
Pontevedra
Mércores, 22 de Setembro de 2021
Máis
    HomeÉ NoticiaIsaura Abelairas renuncia a súa acta de deputada provincial para concorrer ás...

    Isaura Abelairas renuncia a súa acta de deputada provincial para concorrer ás eleccións do 5A

    A política viguesa recibiu as apertas da presidenta e da totalidade da Corporación provincial nun emotivo punto final ao Pleno ordinario

    “Só vos pido que sigades loitando polo que credes que é xusto. Prometo seguir traballando pola igualdade, seguir aportando o necesario para que a sociedade sexa máis xusta”. Con estas palabras despediuse Isaura Abelairas no Pleno ordinario despois de ter presentado a renuncia con motivo da súa inclusión nas listas electorais para as Eleccións Autonómicas do próximo 5 de abril. O asunto foi engadido, como punto extraordinario, na orde do día da sesión plenaria.

    Na despedida, Isaura Abelairas quixo agradecer ás súas compañeiras e compañeiros a colaboración destes anos e lembrou a necesidade de seguir loitando para conseguir a igualdade entre homes e mulleres. Ademais, avisou que “vou deixar que as emocións falen tamén”. Carmela Silva, a presidenta da Deputación, devolveu os agradecementos á deputada pola súa labor realizada: “Quero agradecerlle todo o traballo desenvolvido na área de Igualdade. Isaura é esas mulleres necesarias e a súa tarefa na igualdade é recoñecida. Deséxolle que sexa tan feliz como o foi aquí. vostede é unha loitadora que vai ser capaz de facer fronte a todo o que se lle poña por diante”. A continuación tomaron a palabra Josefa Pardo (PP) e Uxío Benítez (BNG) para desexarlle os mellores éxitos no futuro.

    Así, Abelairas deixa o seu posto de responsabilidade como deputada da área de Igualdade, no que leva dende a primavera do ano 2015, cando a presidenta Carmela Silva, no marco de cambio emprendido na xestión do ente provincial, creou a área de Igualdade, que non existía ata entón. Mestra de profesión e directora do CEIP Emilia Pardo Bazán de Vigo dende 1993 ata 2007, Isaura Abelairas conta cunha ampla experiencia política, posto que foi concelleira de Vigo e deputada provincial durante dous períodos (de 1999 ó 2003 e do 2007 ata a actualidade). “Formei parte de proxectos totalmente novos e ilusionantes”, sentenciou.

    A acta de deputada provincial pasará a mans de Ana María Mejías, concelleira da área de I+D e Dinamización Administrativa no Concello de Vigo. Licenciada en Enxeñería Industrial pola Universidade de Vigo e experta en organización industrial, é vocal do Estado no Pleno do Consorcio da Zona Franca de Vigo. Ademais, é profesora titular da Universidade de Vigo dende o 2003 e forma parte do equipo directivo da Escola de Enxeñería Industrial de Vigo.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS