12.8 C
Pontevedra
Venres, 30 de Setembro de 2022
Máis
    HomeÉ NoticiaEste domingo continúan as «visitas caracterizadas» ao Castelo de Soutomaior

    Este domingo continúan as «visitas caracterizadas» ao Castelo de Soutomaior

    Este domingo continúan as visitas caracterizadas de Coco Chanel, María Vinyals e Emilia Pardo Bazán ao Castelo de Soutomaior, que comezaron a pasada fin de semana e esgotaron xa as 150 prazas ofertadas. Durante a visita, á que asistirá a deputada provincial Digna Rivas, estas tres grandes mulleres, darán a coñecer durante hora e media e durante dúas sesións (12 e 16 horas) os principais atractivos dos xardíns do castelo.

    Amais, as e os visitantes terán ocasión de visitar o proxecto de musealización desenvolvido pola Deputación de Pontevedra e a exposición «A moda en detalles» que durante o mes de marzo aínda se pode visitar no recinto histórico.

    Esta acción, enmarcada na campaña «Fame de experiencias», ten por obxectivos desestacionalizar o turismo e continuar impulsando o castelo de Soutomaior como eixo de atracción e espazo para a cidadanía. Así, con «Camelia e moda» a Deputación de Pontevedra ten por obxectivo divulgar un novo xeito de descubrir a historia do Castelo de Soutomaior vivindo múltiples experiencias da man de guías oficiais caracterizadas de Vinyals, Pardo Bazán e Coco Chanel. Deste xeito, amais de coñecer o proxecto de musealización desenvolvido polo goberno de Carmela Silva no castelo e descubrir a historia de María Vinyals, a través desta primeira visita caracterizada é posible achegarse aos xardíns de camelia e complementar a visita cun percorrido pola «Moda en detalles», unha exposición pioneira que presenta fondos do Museo de Pontevedra nunca antes amosados.

    As mulleres seleccionadas para guiar a visita caracterizada ao castelo de Soutomaior teñen unha estreita relación ben co recinto histórico, ben coa camelia, ben coa moda. Así, María Vinyals foi unha das propietarias do castelo que transformou este espazo dun lugar para a guerra a un lugar para a paz, a cultura, as tertulias e as persoas. Outra das protagonistas, Emilia Pardo Bazán amais de ser amiga de Vinyals tamén recolleu nas súas obras reflexións sobre as camelias galegas. E, xunto a Vinyals e Pardo Bazán participará nas visitas caracterizadas Coco Chanel, que compartía coas anteriores dúas grandes paixóns: a moda, de aí que se encargue de explicar cuestións relacionadas coa exposición «A moda en detalles» e a camelia. Neste eido, Chanel adoptou esta flor, nun principio empregada polos homes, como símbolo e emblema da firma dende comezos da década dos anos 20 do século pasado.

    As últimas visitas caracterizadas «Camelia e moda», que tamén teñen cubertas as prazas ofertadas, terán lugar o vindeiro domingo, 10 de marzo, en sesión de mañá (12 horas) e tarde (16 horas).

    A Ruta da Camelia
    Xunto ás visitas caracterizadas «Camelia e moda» tamén se están a desenvolver as visitas temáticas «A ruta da camelia» que comezaron o día 21 de febreiro e continuarán os días 5,7,12 e 14 de marzo en dúas sesións diarias, ás 12 e 16 horas. Neste caso as visitas estarán guiadas por persoal do castelo de Soutomaior que dará a coñecer, durante unha hora, os principais exemplares de camelia dos máis de 400 cos que conta o seu xardín, declarado de Excelencia Internacional.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS