5.5 C
Pontevedra
Mércores, 26 de Xaneiro de 2022
Máis
    HomeÉ NoticiaDeputación e Universidade de Vigo, un paso máis en igualdade coa cátedra...

    Deputación e Universidade de Vigo, un paso máis en igualdade coa cátedra ‘Feminismo 4.0’

    Cun brinde pola igualdade, a presidenta da Deputación de Pontevedra, Carmela Silva, e o reitor da Universidade de Vigo, Manuel Reigosa, en compañía de colectivos e asociacións de mulleres da provincia, relacionadas coa cultura e a igualdade, deron esta mañá no Pazo de Castrelos, en Vigo, o pistoletazo de saída á cátedra “Feminismos 4.0” da Universidade de Vigo.

    Silva e Reigosa, cualificados pola directora da Unidade de Igualdade da Universidade de Vigo como “feministas convencidos”, enxalzaron a importancia desta cátedra para poder investigar e coñecer os problemas de desigualdade existentes e tamén para visualizar e espallar a figura de grandes referentes femininas.

    [ngg src=”galleries” ids=”17″ display=”basic_thumbnail”]

    Carmela Silva asegurou sentirse “emocionada” e “orgullosa” pola posta en marcha da cátedra “Feminismos 4.0” nun acto “que é o máis importante no que vou participar como presidenta neste 2019”. Deste xeito, a presidenta asegurou que a cátedra vai permitir “que a provincia de Pontevedra se converta nun referente en Igualdade, nun referente do compromiso máis fermoso que pode existir que é traballar para que nós, as mulleres, esteamos onde nos corresponde”. Silva reivindicou que “non hai nada máis importante que traballar para conseguir que máis da metade da poboación teña a metade de todo, que o planeta no seu conxunto conte co noso talento, que saímos do silencio e queremos dirixir o futuro e ter poder para emancipar ao mundo. E esta é a verdadeira revolución do século XXI”.

    Máis polo miúdo, a cátedra centrarase en aspectos relacionadas co coñecemento, coa ciencia, coa innovación e coa aportación das enxeñerías ao mundo. Neste aspecto, a presidenta amosou a súa preocupación por cifras que sitúan ás mulleres como o 25% das persoas que se matriculan en carreiras STEM. “O mundo vai seguir estando dirixido polo 75% dos homes que estudan esas carreiras ou están neses eidos de desenvolvemento e non podemos mirar cara outro lado. Temos que ter un firme compromiso para conseguir que as mulleres amosen interese polo que vai ser o futuro, xa que as grandes decisións económicas, sociais, políticas, de transformación se van tomar neses eidos e aí temos que estar as mulleres”, asegurou a presidenta.

    Xunto a estas cuestións, a cátedra de “Feminismos 4.0” tamén vai permitir coñecer o que se está a facer noutros lugares do mundo e visualizar a mulleres “que teñen aportando moito á historia nos eidos da innovación, das STEM, dos descubrimentos, estendendo referentes que é un dos grandes problemas existentes xa que as mozas non teñen referentes femininos”.

    Para o reitor da Universidade de Vigo, Manuel Reigosa, “a igualdade ten que estenderse en todas as capas da sociedade e esta ferramenta, a cátedra “Feminismos 4.0”, vai ser importante neste sentido, vai permitir construír un mundo mellor, unha sociedade máis xusta que ten que ser, como non, feminista”. Neste eido, o reitor amosou “unha certa preocupación xa que persoas mozas que deberían estar xa educadas en igualdade non o están. Aínda queda moito por percorrer para construír unha sociedade máis igualitaria”.

    Pola súa banda a directora da Unidade de Igualdade da Universidade de Vigo, Águeda Gómez, asegurou que a cátedra “Feminismos 4.0” vaise converter no espazo destinado “ao fomento do pensamento crítico e feminista na sociedade dixital”. Gómez afondou na importancia do mundo dixital na sociedade actual, na presenza residual de mulleres no ámbito tecnolóxico, no machismo dixital, no carácter sexista dos algoritmos, nas censuras ou en novas formas de violencia sexual. Fronte a elo, a directora da Unidade de Igualdade amosou o seu desexo de que “a cátedra axude a hackear o patriarcado, formando persoas expertas que dende o feminismo esperten o sentido crítico da cidadanía e transformen o mundo nunha realidade máis xusta”.

    O acto de presentación da cátedra “Feminismos 4.0”, no Pazo de Castrelos, no que participaron colectivos relacionados coa igualdade da provincia de Pontevedra e do eido cultural, rematou cun brinde “pola felicidade e pola igualdade”. Amais, durante o evento interpretáronse varias pezas musicais a cargo de catro mulleres da orquestra “Vigo 430”.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS