16.9 C
Pontevedra
Sábado, 17 de Abril de 2021
Más
    HomeÉ NoticiaCOGAMI presta apoio a máis de 500 persoas sobre como proceder ante...

    COGAMI presta apoio a máis de 500 persoas sobre como proceder ante o COVID-19

    A Confederación Galega de Persoas con Discapacidade de Galicia (COGAMI) amosou hoxe a súa preocupación ante a situación de vulnerabilidade na que poden quedar moitas das persoas con discapacidade e familias tralas medidas de illamento decretadas, o peche de centros ocupacionais, de día, sociais, educativos e a práctica desaparición das súas redes de apoio.

    A área de Promoción de COGAMI é a que se encarga de xestionar todas as consultas que chegan á entidade, aportando unha resposta ás persoas con discapacidade e familias, co fin de darlle unha solución á problemática que teñen.

    Durante a COVID-19 remitíronse a COGAMI un total de 210 consultas nas que, explica a confederación, “evidénciase a preocupación pola falta de información e confusión sobre esta pandemia e o descoñecemento ante a maneira de proceder”. Nas consultas, recibidas vía telefónica e correo electrónico, “apréciase o temor por como afectará o confinamento á saúde mental da propia persoa e por como afrontar a situación”.

    A escaseza de información sobre prazos e lugares de atención para a entrega de documentación na Administración; a maneira de proceder para solicitar a revisión do certificado de discapacidade en proceso de caducidade ou xa caducado e como contactar co SEPE para solicitar a prestación de desemprego, foron outras das preocupacións transmitidas a COGAMI, xunto coas consultas sobre a tramitación e cobros dos ERTES e o pago de alugueres de locais comerciais e vivendas.

    O equipo formado por 11 traballadoras sociais da área de Promoción da Autonomía Persoal realizou tamén un total de 1.032 seguimentos a persoas usuarias e familias para coñecer a súa situación e se presentaban algunha necesidade. Destes seguimentos, puideron apreciar que viven unha situación de sobresaturación tanto as persoas con discapacidade como as súas familias, as persoas maiores que viven soas ou as coidadoras principais de persoas con discapacidade e/ou en situación de dependencia (por exemplo persoas con Alzheimer, con enfermidade mental, etc).

    O contacto mantido coas persoas maiores amosa que moitas delas teñen ansiedade, a necesidade de falar con outra persoa e de acompañamento durante este proceso. COGAMI actuou de intermediaria entre as persoas que demandaban unha necesidade e as coordinacións dos servizos sociais comunitarios, protección civil e outras entidades de atención, mediando en máis de 100 actuacións conxuntas.

    Outras das xestións levadas a cabo por COGAMI foron 240 intervencións sociais, sendo estas de acompañamento a persoas durante a crise e de apoio psicosocial, das que se beneficiaron un total de 331 persoas. Como a atención personalizada non é posible tralo COVID-19, os medios empregados foron o correo electrónico, os vídeos explicativos, a chamada telefónica, e as plataformas de Whatsapp e Skype, realizando 79 sesións individualizadas e 5 sesións grupais a través de videoconferencia.

    Dende COGAMI insístese na necesidade de “poñer o foco no grao de vulnerabilidade que teñen as persoas con discapacidade”. O equipo de COGAMI que conforma a área de Promoción da Autonomía Persoal aprecia un aumento na crise social, relacionada co ámbito económico. Existe preocupación a que a diminución de ingresos e a incerteza sobre o regreso ao posto de traballo, deriven nunha problemática de saúde mental.

    Ante a situación actual, para COGAMI, é necesario manter estes servizos: a protección das persoas con discapacidade, maiores e/ou con dependencia a través de coidados domiciliarios; volver retomar as valoracións de dependencia e discapacidade e a xestión de prestacións; rachar coa fenda dixital para aquelas persoas que non teñen nin competencias nin recursos para o uso das vías telemáticas; acadar solucións para as persoas que viven soas ou para aquelas que están illadas no medio rural; ofrecer trato preferente para axuda a domicilio de persoas con discapacidade e a accesibilidade debe ser universal, debe chegar a todas as persoas con discapacidade sen excepcións.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS