22.5 C
Pontevedra
Luns, 15 de Abril de 2024
Máis
    HomeÉ NoticiaASEM Galicia reclama que a prestación por coidado non se extinga ao...

    ASEM Galicia reclama que a prestación por coidado non se extinga ao cumprir a maioría de idade

    A Asociación apoia a reivindicación iniciada pola familia de Lucas, un adolescente con miopatía que necesita coidados durante todo o día

    A Asociación Galega contra as Enfermidades Neuromusculares reivindica o dereito que teñen as familias con fillos con enfermidades graves a continuar os coidados máis aló da maioría de idade. Unha proposta que se presentou no Parlamento de Galicia e recentemente trasladouse á Comisión de Sanidade e Consumo do Congreso dos Deputados.

    É o caso de Lucas, un adolescente con Miopatía, que acaba de cumprir a maioría de idade e necesita atención e coidados constantes, xa que está en hospitalización domiciliaria. Ata o de agora, a súa familia acolleuse ao CUME para ofrecerlle a atención que necesita.

    O CUME é unha prestación económica destinada a que os proxenitores, adoptantes ou acolledores cun menor ao seu cargo afectado por cancro ou outra enfermidade grave, poidan reducir a súa xornada de traballo, entre un 50% e un 99,9% para ofrecer os coidados adecuados sen perder ingresos, posto que as mutuas encárganse de compensar ese salario que se deixaría de percibir ao acurtar a xornada laboral. Poden acollerse a esta prestación uno dos dous proxenitores, sempre que estean os dous en activo.

    Con todo, cando se cumpre a maioría de idade esa prestación extínguese e os pais deben volver á súa xornada normal de traballo; polo que, ou ben as persoas afectadas por unha enfermidade grave deixan de recibir os coidados necesarios, ou a familia deixa de percibir un salario, con todo o que iso conleva.

    Debido a que, neste tipo de enfermidades, cumprir 18 anos non significa en absoluto levar unha vida autónoma, ASEM reclama a urxente necesidade de que se modifique o Real Decreto 1148/2011 polo que se regula o CUME, para que a axuda non desapareza sen máis, se non que sexa un Comité Médico o que ditamine se a persoa afectada segue necesitando atención constante.

    Grazas a esta axuda, centos de familias galegas poden encargarse dos seus fillos e fillas e ofrecerlles a atención necesaria durante unha enfermidade complicada e, nalgunhas ocasións, dexenerativa.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.