12 C
Pontevedra
Venres, 29 de Marzo de 2024
Máis
    HomeÉ NoticiaAs mulleres do PSOE rexeitan pactos cos "miserables" que non condenan a...

    As mulleres do PSOE rexeitan pactos cos “miserables” que non condenan a violencia de xénero

    Carmela Silva denuncia que a brecha salarial en Galicia é do 27 %, mentres en España é do 23 %, e a brecha de xénero nas pensións é do 37,2 %, mentres en España está no 35 %

    As mulleres do PSdeG-PSOE de Pontevedra tomaron a voz hoxe na praza de Concepción Arenal para reclamar o voto o próximo domingo, “porque as mulleres teñen máis futuro cando goberna o Partido Socialista”. O acto, ao que asistiron mulleres socialistas de toda a provincia e o secretario xeral provincial, David Regades, xirou ao redor das intervencións da presidenta da Deputación, Carmela Silva; Marta Giráldez, secretaria de Igualdade da Executiva provincial e alcaldesa de Meis; Marica Adrio, candidata ao Senado e Olga Alonso, candidata ao Congreso.

    Carmela Silva fixo un chamado para “parar aos miserables que negan a violencia de xénero, que negan que nos asasinan por ser mulleres, que negan os nosos dereitos profesionais e din que xa acadamos a igualdade”. A presidenta da Deputación engadiu que hai que frear “aos miserables e aos seus cómplices, que son os que os apoian para gobernar xuntos”. Un feito que comparou co que sucede en Europa, onde os partidos conservadores poñen un cordón sanitario ao fascismo.

    Carmela Silva foi moi crítica coa voceira do PP no Congreso por non defender que só o si é si e todo o demais é violación e rexeitou que Ana Pastor, no último debate televisivo, tratase de “lavarlle a cara”.

    Tamén como “miserable” cualificou o feito de que se trate de culpar aos inmigrantes de tódolos males, incluídas as agresións ás mulleres. Na súa intervención recalcou que as forzas políticas que defenden este tipo de posicións non poden estar nas institucións. Citando a Dolores Ubárruri, recalcou que “non pasarán” “porque somos máis da metade da poboación e queremos os nosos dereitos, queremos liberdade para andar pola rúa sen medo e que as nosas fillas non teñan que ir con coidado de ser agredidas”.

    Con datos na man indicou que a brecha salarial está en Galicia entre o 23% e o 27%, mentres en España é do 15%. No caso das pensións a brecha é do 37,2%, mentres no resto de España é do 35%, “así que hai que denunciar que o PP non fixo nada polas mulleres galegas”. Finalmente denunciou que os 8 millóns de euros que a Xunta recibe do Pacto de Estado contra a Violencia de Xénero gástanse en propaganda e publicidade.

    O feminismo, concluíu, foi escoitado e reflectido en normas como a Lei de Igualdade e a Lei contra a Violencia de Xénero só cando o PSOE gobernou e España, polo que agora, nestes momentos convulsos, non é momento de retroceder.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.