14.9 C
Pontevedra
Domingo, 9 de Maio de 2021
Máis
    HomeÉ NoticiaArranca o 'Culturminho' co obxectivo de crear novos eventos culturais no Miño...

    Arranca o ‘Culturminho’ co obxectivo de crear novos eventos culturais no Miño transfronterizo

    O foro ábrese mañá ás 17h e poderá seguirse en directo en Youtube e en smartminho.eu, onde é preciso inscribirse de forma gratuíta

    A Deputación de Pontevedra arranca mañá o primeiro Foro da Cultura do Río Miño Transfronteirizo, ‘Culturminho’, que se prolongará ata este venres co obxectivo de reunir aos axentes culturais, asociacións, colectivos, concellos e entidades para crear novas iniciativas culturais transfronteirizas no territorio do Miño.  

    O obxectivo desta cita, organizada ao abeiro do programa Smart Minho financiado con fondos europeos do programa ‘Interreg V-A POCTEP 2014-2020’, é reflexionar sobre as potencialidades da cultura común como elemento de valor transfronteirizo, e desenvolver axendas e programacións culturais conxuntas seguindo a idea de consolidar o territorio do Rio Minho atraendo público moi diverso de ambas marxes, así como facer fincapé na nova situación social que condicionará o ocio e o consumo cultural tratando de visualizar alternativas.

    Nesta ocasión, debido á pandemia da Covid-19, o Culturminho terá formato telemático e contará cada día pola tarde con mesas de debate e conferencias na que participarán persoas de colectivos e entidades que están a traballar en eventos xa recoñecidos polo público. Poderá seguirse na canle AECT Rio Minho de YouTube e tamén desde a web smartminho.eu, onde é preciso formalizar as inscricións (de maneira gratuíta).

    A xornada abrirase mañá coa inauguración de autoridades, a presidenta da Deputación Carmela Silva e o deputado de Cooperación Transfronteiriza Uxío Benítez, para dar lugar despois á mesa de debate sobre ‘Artes e música no Rio Miño’. Neste grupo estará representada unha selección de entre as actividades culturais profesionais realizadas nos 26 concellos que integran a área transfronteiriza do Miño: o director do Festival de Cans, Alfonso Pato; o de Vilar de Mouros, con Joao Pinto, da Bienal de Arte de Cerveira, do Festival Folk Celta de Ponte da Barca ou de Entre Margens.  

     Ao día seguinte, o mércores 7, a charla versará sobre as experiencias de cooperación e cultura no Río Miño, con xestores e xestoras de ambas beiras como a Casa das Artes de Valdevez, o Simposio de escultura de Tomiño-Cerveira, o Folk Monçao, o IKFEM, ou Ponte nas Ondas.

    O xoves tomarase como centro o teatro e baixo o epígrafe ‘Palabra e escena no Río Miño’ exporanse iniciativas profesionais como as do Museo do Cinama Melgaço, As comedias do Minho, o Play-Doc, ou o Festival de Poesía do Condado.

    Finalmente, xa o venres cambiará o formato e en lugar dunha charla realizaranse dous relatorios, un sobre financiamento a cargo do asesor técnico do Ministerio de Cultura e Deportes na oficina Europa Creativa, Augusto Paramio, a quen se lle queren tamén trasladar as potencialidades do territorio do Miño. Por outra banda contarase coa participación de Miguel Ángel Cajigal, divulgador cultural coñecido como @elbarroquista con máis de 78.000 seguidores en Twitter.

    Segundo apunta o deputado de Cooperación Transfronteiriza Uxío Benítez, unha vez se teñan analizadas as sinerxias do potencial cultural do territorio, celebrarase unha nova edición do Culturminho, prevista para o primeiro semestre de 2021 de maneira presencial. Nese novo foro traballarase no deseño de novas propostas culturais e eventos que desenvolver no territorio para as que se buscará, ademais, financiamento europeo.

    COLABORACIÓNS

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Constance Demby, pionera de la ‘new age’

    A muchos no les sonará éste nombre, a otros muchos seguidores de las nuevas músicas, es simplemente una referencia, hablar de Constance Mary Demby, más conocida como Constance Demby, es hablar de uno de los nombres más representativos de la llamada música New Age,

    ‘Spain is different’

    Da la sensación de que en España vamos por libre. Que no estamos viviendo la mayor crisis sanitaria de éste siglo y que, probablemente, acabe causando la mayor crisis económica hasta el momento porque, si seguimos así, la crisis de las subprime va a ser una broma en comparación con la crisis del Covid.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    0 POSTS0 COMMENTS
    Manrique Fernández
    37 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS