9.6 C
Pontevedra
Xoves, 28 de Marzo de 2024
Máis
    HomeÉ NoticiaAreeiro recomenda manter o nivel de vixilancia ante o desenvolvemento do mildio

    Areeiro recomenda manter o nivel de vixilancia ante o desenvolvemento do mildio

    O centro dependente da Deputación de Pontevedra lanzou un novo aviso fitosanitario no que tamén aconsella o control dos cicadelidos e revisar as alteracións da madeira

    A Estación Fitopatolóxica Areeiro, centro dependente da Deputación de Pontevedra, vén de lanzar un novo aviso fitosanitario no que reporta unha situación bastante tranquila do mildio nas parecelas fixas e nas aleatorias. Porén, nas plantas testemuña e nas abandonadas a enfermidade continúa avanzando, aparecendo síntomas novos, secando gromos e proseguindo a defoliación das plantas polo que, aínda que o bo tempo apunta a un risco de infección menor, débese seguir cun alto nivel de vixilancia.

    En canto ás avelaíñas do acio, na estación apareceron os dos dous primeiros machos da segunda xeración de Lobesia botrana nunha das trampas instaladas. Amais, segundo as observacións desta semana os cicadelidos da especie Zygina rhamni continúan sendo dominantes sobre os de Empoasca vitis e para as seguintes xornadas espérase un certo incremento dos seus niveis poboacionais. En relación aos ácaros, esta semana o centro observou un maior número de viñas con síntomas de erinose de verán. Tamén se recomenda revisar as alteracións da madeira, marcando as plantas afectadas e eliminando plantas enteiras ou brazos mortos.

    Pola súa banda, nos gromos novos e tenros de moitas árbores de cítricos seguen a observarse ovos e ninfas de psila africana. A Estación Fitopatolóxica aconsella eliminar os gromos para axudar á contención das poboacións así como instalar tampas amarelas a carón destas árbores.

    OLYMPUS DIGITAL CAMERA

    No buxo o avance da Cydalima perspectalis, bolboreta do buxo, foi moi notorio esta semana en moitas sebes, ata o punto de presentar xa todas as follas secas. Noutras aínda non se produciu a defoliación ou secado e requírese un nivel de alerta máximo ante as altas temperaturas que se esperan nos próximos días.

    No que respecta ao botrite, en caso de que se cumpran as previsións meteorolóxicas, nas próximas xornadas non se esperan condicións favorables ás infeccións por este patóxeno. Tampouco se observan cambios destacables na presenza do oídio nin do black-rot.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.