18.5 C
Pontevedra
Xoves, 23 de Setembro de 2021
Máis
    HomeÉ NoticiaA Xunta anuncia que duplicará as axudas ás ANPAs que xestionan comedores

    A Xunta anuncia que duplicará as axudas ás ANPAs que xestionan comedores

    Avanza que o luns reunirase o Consello Escolar para preparar a volta ás aulas

    O conselleiro de Cultura, Educación e Universidade, Román Rodríguez, visitou o colexio CEIP de Seara (Moaña), onde anunciou que a Xunta vén de formalizar o seu compromiso de duplicar as axudas destinadas a asociacións de nais e pais (ANPAs) que xestionan comedores escolares, elevándoas ata os 1,2M€. A finalidade destas axudas é sufragar parte dos gastos nos que incorreron estas entidades na prestación do servizo durante o pasado curso.

    Cómpre lembrar que o Goberno galego xa blindou o pasado ano as axudas ás ANPAs para este fin, concedendo o seu importe íntegro (553.000€), malia que en boa parte do curso 2019/20 non se prestou o servizo por mor da suspensión das clases presenciais. O incremento desta partida, cuxo prazo de solicitudes xa está aberto, foi un compromiso adquirido pola Consellería, Educación e Universidade.

    Román Rodríguez avanzou, ademais, a reunión do Consello Escolar de Galicia o vindeiro luns para analizar o inicio do curso escolar. Neste sentido explicou que, tras a xuntanza do Comité Educativo o pasado venres, con esta nova convocatoria avánzase nos contactos con todos os membros da comunidade escolar para preparar a volta ás aulas.

    Aberto o prazo ata o 27 de setembro

    A convocatoria de axudas a ANPAs que xestionan comedores presta especial atención aos sobrecustos que supuxo a pandemia. Neste sentido, o orzamento total divídese en dous conceptos: un dirixido ao custo diario do menú, mantemento, persoal e limpeza e aos gastos ocasionados pola contratación de pólizas de seguro para a prestación do servizos; e outro destinado a sufragar gastos relacionados coa covid-19 (máscaras, material de desinfección e protección, etc).

    Para o cálculo da axuda terase en conta, en ambos casos, a media de usuarios diarios do comedor escolar, e o seu importe poderá sufragar o 100% do gasto xustificado. Estas subvencións son compatibles con outras axudas para a mesma finalidade.

    Poderán ser beneficiarias desta convocatorias as asociacións, federacións e confederacións de nais e pais de alumnado que xestionen, directa ou indirectamente, o servizo do comedor dos centros escolares públicos.

    O prazo de presentación de solicitudes estará aberto ata o 27 de setembro e deberán presentarse por medios electrónicos a través do formulario normalizado dispoñible na sede electrónica da Xunta de Galicia.

    Rehabilitación integral

    Respecto da rehabilitación integral do CEIP de Seara, cun orzamento de preto de 1M€, o conselleiro explicou que o obxectivo principal é mellorar a eficiencia enerxética do colexio.

    Esta obra enmárcase no paquete de 84 actuacións que o Goberno galego está a licitar antes de fin de ano, cun importe de case 40M€, e que se suman ás 557 obras que se están a realizar este verán, cun orzamento de case 30M€ e ás outras 41 (17,3M€) que se culminan estes meses.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS