7.5 C
Pontevedra
Sábado, 4 de Febreiro de 2023
Máis
    HomeÉ NoticiaA Deputación lanza a 'Alianza local polos 17 obxectivos do desenvolvemento sostible'

    A Deputación lanza a ‘Alianza local polos 17 obxectivos do desenvolvemento sostible’

    A presidenta da Deputación de Pontevedra, Camela Silva, anunciou hoxe o lanzamento da iniciativa ‘Pontevedra Provincia Alianza Local #17ODS’ coa que se promove o aliñamento dos 61 concellos pontevedreses co cumprimento dos Obxectivos de Desenvolvemento Sostible que conforman a Axenda 2030 da ONU. “Os ODS non son só unha filosofía ou un marco, son estratéxicos e desde fai dous anos marcan a nosa folla de ruta, ata o punto de que a Deputación de Pontevedra é a Administración local e provincial que máis aposta polo seu cumprimento”. “Levamos a dianteira a moitas comunidades autónomas, incluída a galega”, destacou.

    A partir de agora, a Deputación porá o foco cada mes nun dos 17 ODS e comezará este mesmo mes de outubro co último deles: ‘Alianzas para acadar os obxectivos’. Así remarcará o seu empeño para aliñar as políticas públicas de toda a provincia nesta axenda internacional. Silva adiantou que, sucesivamente, cada mes, iranse abarcando o resto dos ODS e centrando a atención en cada un deles con accións, proxectos e campañas de difusión. O primeiro paso para a creación da Alianza Local consistirá no envío dunha carta aos concellos e a creación dun apartado ODS no portal www.depo.gal no que se compartirán todas as iniciativas municipais dos concellos que se adhiran como exemplo de Boas Prácticas. “Queremos que a cidadanía as coñeza e que sirvan de inspiración para futuros proxectos polo seu respecto e promoción dos Obxectivos”, explicou a presidenta. Ademais, a ‘newsletter’ da Deputación terá un apartado permanente dedicado aos ODS no que se enxalzarán as Boas Prácticas municipais. O boletín será remitido aos concellos adheridos para mantelos informados puntualmente.

    Carmela Silva, acompañada pola deputada responsable de Transición Ecolóxica e Proxectos Europeos, Iria Lamas, adiantou que sumarse á Alianza Local significará tamén un maior financiamento para os municipios que dean o paso. Así anunciou que nos proxectos extraordinarios de concorrencia competitiva que os concellos adheridos presenten á Deputación, valorarase que teñan accións incardinadas dentro dos ODS. Ademais, comprometeuse a promover actividades como exposicións, concertos, andainas e accións no ámbito educativo e da igualdade para reforzar este gran pacto polo desenvolvemento sostible. “En definitiva, imos levar a cabo unha axenda continua, envorcaremos todos os nosos esforzos nos Obxectivos e invitamos a toda a provincia, aos concellos e á cidadanía, a sumar sinerxias , dando exemplo coas nosas accións”.

    Intensa axenda en outubro cos Días Mundiais da ONU

    A presidenta tamén adiantou que ao longo deste mes de outubro a Deputación vai celebrar 11 días mundiais evidenciando o vínculo das causas representadas nestas efemérides cos Obxectivos de Desenvolvemento Sostible. “Traballamos todo o ano polos ODS e por iso queremos dar unha visibilidade a datas tan simbólicas, con especial protagonismo para o Día Internacional das Mulleres Rurais e o Día das Escritoras”.

    Ao fío do Día Internacional das Mulleres Rurais, a Deputación organizará en Pontevedra una xornada o día 28 de en colaboración con Fademur (Federación de Mulleres Rurais de Galicia). Levará por título “As mulleres e os efectos da covid-19 na Galicia rural” e consistirá nunha mesa redonda con relatoras, todas elas mulleres, dos sectores hortofrutícola, gandeiro, da educación pública e das entidades sociais. Trataranse temas como o impacto da pandemia nestes sectores, retos durante o confinamento e na nova normalidade, corresponsabilidade, volta ao cole, o espazo rural na era post-covid e o futuro do rural. O acto será retransmitido en streaming, polo que poderá seguirse integramente a través da web da Deputación, e nas Redes Sociais.

    En canto ao Día das Escritoras, celebrarase o día 19 en Vigo cunha lectura pública de textos de escritoras tomando como referencia o acto que celebra a Biblioteca Nacional nesta conmemoración baixo o comisariado da escritora Elvira Lindo. A lectura en Vigo correrá a cargo de varias escritoras e representantes da cultura e da educación con fragmentos de obras de autoras tan importantes como Rosalía de Castro, Dulce María Loynaz, Ana María Matutes, Pura Vázquez, Gloria Fuertes, Ida Vitale, Circe Maia ou Emilia Pardo Bazán, entre outras.

    A Deputación tamén celebrará actividades ao fío do Días Mundiais da Alimentación (16 outubro); o 17, Día Internacional para a Erradicación da Pobreza; o 18 polo Día Mundial de Protección da Natureza; o 21, Día Mundial do Aforro de Enerxía; o 24, Día das Nacións Unidas, Día da Información sobre o Desenvolvemento e Día Internacional contra o Cambio Climático. Finalmente, poñerase en valor o día 31 ao fío do Día Mundial das Cidades.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS