7.5 C
Pontevedra
Mércores, 8 de Febreiro de 2023
Máis
    HomeÉ NoticiaA Deputación comeza as obras de adaptación á normativa do edificio da...

    A Deputación comeza as obras de adaptación á normativa do edificio da Escola de Cantería

    A solicitude de creación das novas titulacións de Formación Profesional diante do Instituto Nacional das Cualificacións está en marcha dende hai 3 semanas

    As obras de adaptación da Escola de Cantería para o cumprimento da normativa en materia de accesibilidade, contaminación acústica, protección contra incendios e prevención de riscos laborais comezaron esta mañá. A Deputación de Pontevedra ponse así mans á obra para solucionar a irregularidade urbanística coa que vén funcionando o centro dende a súa construción no ano 2000 e obter definitivamente a licenza municipal de actividade diante do Concello de Poio.

    A actuación está a cargo da empresa Civis Global, que conta cun orzamento de adxudicación de 440.000 euros e un prazo de execución de seis meses. O proxecto está baseado no estrito cumprimento da normativa vixente sobre edificacións nas que se imparte formación tanto no eido laboral como no educativo e supón un paso imprescindible para a homologación dos estudos actuais.

    A Deputación de Pontevedra xa está a tramitar a creación de dous títulos de Formación Profesional de grao medio e superior para os estudos de Cantería diante do Instituto Nacional das Cualificacións (INCUAL). O organismo intereadministrativo estatal, no que están representados o Goberno central e os autonómicos, así como as organizacións sindicais e laborais, recibiu a solicitude da Deputación o pasado día 25 de setembro, hai case tres semanas.

    A Deputación solicitou tamén ao INCUAL información sobre a posible duración deste procedemento, que inclúe varios informes, unha consulta pública e remata coa publicación dun Real Decreto coa modificación do Catálogo Nacional de Cualificacións Profesionais. Paralelamente, como paso intermedio ata a creación das novas titulacións educativas, a Deputación está a solicitar da Xunta de Galicia que cree dous novos certificados de profesionalidade que avalen os estudos do alumnado que cursa os seus estudos na actualidade. Finalmente, estase a reclamar da Consellería de Educación a transferencia do centro e, ata que isto se produza, o cofinanciamento do seu funcionamento ordinario.

    A deputada Noemí Outeda destaca que en 33 anos o PP non fixo nada por regularizar os estudos e nin sequera se preocupou da licenza municipal de actividade

    A deputada Noemí Outeda, delegada da Escola, destaca que o actual equipo de goberno vese obrigado a traballar en varias frontes porque o PP, a pesar de gobernar a Deputación durante 33 anos xa coa responsabilidade sobre a Escola de Cantería, non fixo nada por homologar os estudos. Máis aínda, a sede de A Caeira, construída no ano 2000, carecía de licenza de actividade. Unhas deficiencias que atribuíu ao máis absoluto desleixo dos sucesivos gobernos conservadores, tanto na Deputación como na Xunta e no Goberno do Estado.

    O edificio da Escola de Cantería foi construído a finais dos anos 90 e, durante a súa execución, foi obxecto de sucesivas modificacións e incidencias. Está dividido en dúas áreas, comunicadas por un vestíbulo central para o espazo docente e a nave-obradoiro. Suma un total de 5.600 metros cadrados construídos.

    As obras que hoxe comezaron hoxe para adaptalo á normativa esixente para acoller estudos educativos e/ou laborais inclúen unha completa reforma interior, incluíndo tamén a apertura dun novo acceso principal dende un futuro aparcamento de 426 metros cadrados reservado para persoas con mobilidade reducida. Dentro do edificio será necesario modificar a totalidade das ramplas existentes na área docente, así como a substitución das varandas. Outra zona que vai ser obxecto dunha profunda reforma serán os vestiarios, onde estase a habilitar un aseo adaptado.

    As obras afectarán tamén á instalación eléctrica, pois ademais de modificar o cadro de alimentación e substituír os diferenciais será necesario adaptalas tomas de corrente e instalar novas tomas de terra.

    Para o cumprimento da normativa acústica será necesario substituír os falsos teitos nas aulas con maior reverberación, así como o trasdosado de varios paramentos verticais, así como das divisións entre aulas.

    Capítulo á parte é a protección contra incendios, que vai obrigar a instalar lá de roca e pintura intumescente (que ofrece maior resistencia ao lume) e a apertura de ocos con portas de saída na nave do obradoiro para o cumprimento da normativa sobre distancias de evacuación. Ademais, colocaranse portas corta-lumes, modernos sistemas de alarma, pulsadores, extintores e novos detectores de fume. Adicionalmente, as obras servirán para a sinalización dos percorridos de evacuación.

    1 Por último, o cumprimento da normativa en materia de riscos laborais obriga á instalación de “gaiolas” de protección nas máquinas de corte, así como á revisión da sinalización acústica e luminosa nas pontes-guindastre. Tamén alí haberá que pintar no solo as zonas de paso seguro.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS