19.5 C
Pontevedra
Luns, 15 de Xullo de 2024
Máis
    HomeVal MiñorNigránNigrán oferta un curso de manexo de dispositivos móbiles para maiores

    Nigrán oferta un curso de manexo de dispositivos móbiles para maiores

    Consta de 15 prazas e a inscrición debe facerse presencialmente o xoves 13 de setembro na Casa de Maiores de Vilameán de 10:00 a 12:00 horas É gratuíto e prestará especial atención á aplicación ‘Sergas Móbil’, ao almacenamento de imaxes e uso de outas apps, sendo imprescindible acudir con un smartphone

    O Concello de Nigrán ofrece do 3 de outubro ao 30 de xaneiro de 2024 no Local Social de Vilameán un obradoiro para aprender a manexar aplicacións móbiles destinado a xubilados empadroados no municipio e será impartido por María José Parada Santoro, profesora xubilada.

    O curso, que se desenvolverá os martes e xoves de 11,30 a 12,30, é gratuíto e prestará especial antención ao uso da aplicación do ‘Sergas Móbil’, ao almacenamento de imaxes e ás posibilidades doutras apps. A inscrición debe facerse presencialmente o xoves 13 de setembro na Casa de Maiores de Vilameán de 10:00 a 12:00 horas e as prazas distribuiranse por rigorosa orde de chegada (consta inicialmente de 15 prazas pero se hai demanda se organizarán máis obradoiros). Para participar é preciso acudir con un smartphone cargado de batería.

    “Moitos maiores síntense moi inseguros á hora de empregar o móbil, polo que este curso busca que se atopen cómodos á hora, por exemplo, de pedir unha cita médica a través da app do Sergas”, explica o alcalde, Juan González, sobre esta iniciativa da Concellería de Maiores que dirixe a edil María Mayán.  “Non son nativos dixitais e moitos precisan formación práctica ao respecto, especialmente agora que se van a retirar as tradicionais cartillas bancarias, e este tipo de cursos son moi útiles porque lles pode facilitar moito o seu día a día”, resume Mayán.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.