7.5 C
Pontevedra
Mércores, 8 de Febreiro de 2023
Máis
    HomeVal MiñorNigránNigrán completará o abastecemento de auga de Parada

    Nigrán completará o abastecemento de auga de Parada

    O Concello prevé un investimento de 314.539 € e dará cobertura ás aproximadamente 150 vivendas que restan por conectar á rede xeral tras dotar o Concello de auga á zona da Carrasca e Nandín

    O Concello de Nigrán aprobou o proxecto para completar o abastecemento de auga na parroquia de Parada tras ampliar o servizo no 2018 e 2019 á zona de Carrasca e Nandín con sendas obras municipais.

    Cun orzamento contemplado de 314.539 €, ese novo proxecto prevé chegar aos barrios de A Laxe, Cabaleiros, Cartas, Tinde, Igrexa, Laxe, Rúa, Sobreiro e Reboreda aproveitando a rede existente e beneficiando así a unhas 150 vivendas que representan a uns 600 habitantes. A previsión do goberno local é completar toda a parroquia entre 2020/2021.

    “Trátase de chegar ao 100% da parroquia ao existir unha clara demanda social ao respecto, xa que en Parada nin sequera hai traídas comunais como sucede en Camos ou Chandebrito. É un compromiso prioritario deste goberno, como xa viñemos demostrando”, explica o alcalde, Juan González.

    Así, contémplase un colector de 4.454 metros de lonxitude que se conecta en dous puntos á rede existente. O orzamento inclúe apertura de gabias, colocación da tubaxe, execución de arquetas, instalación de válvulas, recheo e resposición do pavimento pola mesma tipoloxía. O prazo máximo de execución é de tres meses.

    O Concello de Nigrán, a través da súa concesionaria Aqualia, puxo a finais de 2019 en funcionamento unha nova rede de abastecemento municipal de auga que fornece aos barrios de Nandín, parte de Con e A Reboreda e que chega a Camos (barrios de Castelo, A Lama e O Rial e ás vivendas situadas nas inmediacións da PO-332, rúa dos Pazos). Esta obra, súmase á realizada polo Concello no 2018 cun investimento de 457.000 € para abastecer a Parada polo barrio da Carrasca.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS