13.9 C
Pontevedra
Sábado, 22 de Xuño de 2024
Máis
    HomeVal MiñorBaionaBaiona organiza un curso de Xestión de Subvencións para asociacións

    Baiona organiza un curso de Xestión de Subvencións para asociacións

    O Concello de Baiona, a través da Concellería de cultura e Deportes que xestiona Miriam Mar Costas Iriarte, vén de organizar unha acción formativa sobre Xestión de Subvencións, dirixida a todas as asociacións do municipio co obxectivo de apoiar a estes colectivos nos seus trámites coa Administración Electrónica.

    O curso, que coincide coa convocatoria de subvencións a asociacións para a realización de actividades culturais e deportivas, ten unha duración de 10 horas, e terá lugar no Centro Multiusos Ángel Bedriñana, os días 30 de setembro, 1, 2, 3 e 4 de outubro de 2019 en horario de 19 h a 21 h. O obxectivo é dotar aos participantes de habilidades e competencias para a xestión e tramitación dunha subvención.

    As asociacións interesadas, poderán inscribirse no teléfono 986 385 921, cun máximo de 2 participantes por asociación. A Concellería de Cultura e Deportes, informa así mesmo, de que o prazo de presentación de solicitudes da convocatoria de subvencións do concello para realizar actividades culturais e deportivas, remata o 10 de outubro de 2019.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.