13.7 C
Pontevedra
Mércores, 22 de Maio de 2024
Máis
    HomeComarcasRedondelaXoán Carlos González, candidato do BNG ás municipais do 2023 en Redondela

    Xoán Carlos González, candidato do BNG ás municipais do 2023 en Redondela

    Apoio unánime da Asemblea Local para que o actual voceiro “volva a levar ao nacionalismo ao goberno municipal”

    A organización nacionalista celebrou a súa Asemblea Local na tarde do pasado mércores, coa finalidade de elixir á persoa que ocuparía o primeiro lugar na candidatura ás eleccións municipais do vindeiro ano.

    A proposta de que o actual voceiro municipal Xoán Carlos González Campo ocupe o primeiro lugar da lista nacionalista, contou co apoio unánime da asemblea. Nas diversas intervencións, destacouse a capacidade de traballo do edil nacionalista, a súa implicación na política municipal, xunto ao seu compromiso coas problemáticas dos e das redondelás.

    A continuación celebrouse un acto no que se convidou a simpatizantes e persoas achegadas ao BNG para que foran as primeiras en saber quen encabezaría a candidatura nacionalista.

    Na súa intervención ante a Asemblea Local o xa candidato, expresou o seu agradecemento á confianza “e responsabilidade” nel depositada polos compañeiros e compañeiras. Puxo en valor o traballo da súa compañeira de grupo a concelleira Jéssica García, que en pouco tempo “converteuse en referente do nacionalismo e do feminismo en Redondela”.

    Referiuse aos discursos triunfalistas do Partido Popular xogándoo todo á carta dunha persoa que deixou tirada a Redondela no 2019, renunciando daquela á responsabilidade como líder da oposición, en clara alusión a Javier Bas. “Outros nos mantivemos onde nos correspondía, negociando e realizando propostas construtivas que beneficiaran aos nosos veciños e veciñas”.

    Para o candidato nacionalista, os gobernos formados por dúas forzas políticas amosan a pluralidade da sociedade na que vivimos. Considera totalmente vixente este modelo, que debe marcarse unhas prioridades de acción, poñendo ao acento no equilibrio de forzas. “Aspiramos a equipararnos ao Partido Socialista, para poder conformar un goberno en igualdade de condicións, actuando coordinadamente polo interese común”.

    Amosou Xoán Carlos González, a súa confianza en que o BNG vai participar do goberno municipal en Redondela a partires de maio do 2023. Situou a súa principal aspiración “en aglutinar arredor da nosa candidatura o apoio daquelas persoas que acreditan en que actuamos en política co obxectivo de defender os intereses colectivos das redondelás e dos redondeláns”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.