13.6 C
Pontevedra
Domingo, 9 de Maio de 2021
Máis
    HomeComarcasRedondelaUnha subvención da Deputación de Pontevedra permitirá recuperar a Fonte de Santiago...

    Unha subvención da Deputación de Pontevedra permitirá recuperar a Fonte de Santiago situada no casco urbano redondelán

    A iniciativa enmárcase dentro dunha acción global do Goberno de Redondela para a rehabilitación e posta en valor do patrimonio histórico, artístico e cultural do municipio

    A Deputación de Pontevedra vén de conceder ao Concello de Redondela unha subvención de 10.667 €  para a rehabilitación da Fonte de Santiago, elemento patrimonial situado no casco urbano redondelán. O proxecto foi redactado polo arquitecto Luís Gil Pita en colaboración co técnico do Servzio de Normalización Lingüística de Redondela e está previsto que as obras comezan no primeiro semestre do vindeiro 2021.

    A recuperación da Fonte de Santiago, tal e como explican a alcaldesa Digna Rivas e a concelleira de patrimonio, María Castro, enmárcase dentro das distintas actuacións que o Goberno local “está desenvolvendo en materia de rehabilitación, conservación e posta en valor de todo o patrimonio cultural, histórico e artístico do municipio”.

    Nesa liña de actuacións, lembra a alcaldesa, o Concello levou a cabo a recuperación da Fonte da Raíña, en Cedeira; a rehabilitación do edificio do antigo Conservatorio na rúa Isidoro Queimaliños ou a recuperación do cemiterio de Eidos.

    “Todas estas actuacións e as que se seguirán desenvolvendo –apunta Digna Rivas– teñen un dobre obxectivo, evitar a desaparición do noso patrimonio e por tanto da nosa historia e, ao mesmo tempo, dalo a coñecer e poñelo en valor como parte inseparable da identidade de Redondela”.

    Nova subvención ao Servizo de Normalización Lingüística

    Doutra banda, compre salientar que o Servizo de Normalización Lingüística do Concello de Redondela, vén de conseguir unha nova subvención da Deputación de Pontevedra que achega 2.072,12 € pola homenaxe que o Concello rendeu a Xohana Torres o pasado 26 de xullo.

    A poeta galega conta dende ese día cun espazo propio como é o parque infantil da Alameda de Redondela, onde se instalou un panel informativo con información tanto para crianzas como para adultos. Ademais, nas actividades organizadas polo SNL para celebrar o Día Nacional de Galicia , ofreceuse un concerto a cargo de Antía Muíño e un recitado de poemas de Xohana Torres.

    Esta axuda, dirixida aos concellos de menos de 50.000 habitantes que presentasen actividades de dinamización lingüística, súmase a outra subvención concedida pola Deputación de Pontevedra para o reforzo do SNL de Redondela cunha cantidade que ascendeu os 20.000 €.

    O Concello de Redondela tiña previsto anunciar unha campaña de promoción da cultura e da lingua galegas no sector do comercio que se tivo que paralizar polas extraordinarias circunstancias sanitarias. De todos os xeitos, o Concello de Redondela, tal e como explica a concelleira de Normalización Lingüística, Digna Rivas, agarda no 2021 “retomar este proxecto e amplialo con novas medidas que favorezan a reactivación da economía do comercio local onde a cultura e o idioma ocupen un lugar sinalado para confirmar a Redondela como un dos municipios referentes da cultura en Galicia”.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS