13.3 C
Pontevedra
Martes, 21 de Maio de 2024
Máis
    HomeComarcasRedondelaO mércores 8 de maio comezarán os traballos de pintado e sinalización...

    O mércores 8 de maio comezarán os traballos de pintado e sinalización no Paseo de Cardona en Chapela

    O Concello de Redondela informa que desde o mércores día 8 ata o venres día 10 de maio realizaranse traballos de sinalización horizontal e pintado no Paseo de Cardona, en Chapela. A concellería de Infraestruturas e Sostibilidade, que dirixe Roberto Villar, informa que o tramo afectado vai desde o Centro de Deportes Acuáticos de Chapela ata o CEIP Laredo.

    Na xornada do mércores día 8 estará prohibido o estacionamento en toda esta área para realizar traballos de limpeza, mentres que o xoves día 9 e o venres día 10 irase limitando o estacionamento por zonas. Nas proximidades do colexio o pintado realizarase o venres.

    Os traballos consistirán no pintado das prazas de aparcadoiro, pasos de peóns e liñas da estrada. Roberto Villar sinala que esta sinalización xa estaba previsto realizala con anterioridade, pero tivo que pospoñerse ata esta semana por mor das chuvias.

    Villar explica que estas labores realizaranse “reducindo en todo o posible os prexuízos que se poidan causar aos condutores e usuarios da vía”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.