25.5 C
Pontevedra
Domingo, 14 de Abril de 2024
Máis
    HomeComarcasRedondelaUn garaxe acaba consumido polo lume en Redondela

    Un garaxe acaba consumido polo lume en Redondela

    O garaxe dunha vivenda rematou consumido polo lume, esta mañá, no concello pontevedrés de Redondela.

    Varios particulares chamaron, pasadas as sete e media da mañá, ao 112 Galicia para informar dun incendio dentro do alboio dunha casa no lugar de Ventosela, en Reboreda. Na conversa cos operadores de emerxencias, as persoas indicaban que o lume se iniciara nunha moto aparcada no interior do garaxe e que non había persoas feridas.

    Nese momento, o 112 Galicia deu aviso aos Bombeiros de Porriño, aos axentes da Policía Nacional e Local de Redondela, aos membros de Protección Civil da localidade e aos Bombeiros de Vigo.

    Finalmente, foi a dotación de Bombeiros de Porriño a que confirmou ao CIAE-112 desde o lugar dos feitos que o lume estaba sufocado pero que o garaxe ardeu por completo, xunto co material apilado no seu interior. Con todo, non houbo que lamentar danos persoais.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.