22.5 C
Pontevedra
Luns, 15 de Abril de 2024
Máis
    HomeComarcasRedondelaRedondela organiza unhas xornadas adicadas a Casto Sampedro

    Redondela organiza unhas xornadas adicadas a Casto Sampedro

    O Concello de Redondela e o Concello de Pontevedra, xunto coa Sociedade Antropolóxica Galega e coa colaboración do SNL de Redondela e o Museo de Pontevedra, organizan unhas xornadas adicadas ao egrexio intelectual redondelán Casto Sampedro. Esta actividade de dous días de duración, busca dar a coñecer diversos aspectos de Casto Sampedro pero tamén outros aspectos da actual investigación antropolóxica.

    As xornadas comezarán o venres 3 de maio ás 17:30 horas, na Casa da Cultura de Redondela, coa presentación das xornadas a cargo de Rafael Quintía e de Xulia Feixoo. As 18 horas, relatorio de Xavier Groba Ao ronsel de Casto Sampedro: estado actual da etnomusicoloxía galega. De seguido, cara ás 18:45, relatorio de Beatriz Busto baixo o título Galicia conxelada. A necesidade da reflexión antropolxgica na actualidade.

    Logo dun descanso, ás 19:45 horas, conferencia de Rafael Rodríguez, Entre sachadores e burócratas. Un vistazo á arqueoloxía galega actual. A xornada do venres, rematará coa mesa redonda e coloquio final que dará comezo cara ás 20:30 horas.

    O sábado 4 de maio as actividades continúan en Pontevedra ás 10:30 horas, nas ruinas de San Domingos, co concerto de Os Trubincos do Batán e ás 10:45 comezará unha ruta por Pontevedra, que se desenvolverá baixo o título de Tras as pegadas de Casto Sampedro en Pontevedra, a cargo de Telmo Crespo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.