22.2 C
Pontevedra
Sábado, 20 de Abril de 2024
Máis
    HomeComarcasRedondelaRedondela ofrece un ciclo de saúde e benestar

    Redondela ofrece un ciclo de saúde e benestar

    O Concello de Redondela presenta, a través da Concellería de Servizos Sociais e Terceira Idade dirixido por Iria Vilaboa, “Cultívate, Ciclo de Saúde e Benestar”, unha actividade de balde que se desenvolverá do 10 de febreiro ao 6 de maio.

    A acaldesa, Digna Rivas, resalta que “esta é a primeira vez que se fai un ciclo desta índole, enfocado a distintas xeracións. O obxectivo deste goberno é primar o benestar dos veciños e veciñas dende un enfoque multidisciplinar, onde se toquen varios temas de interese. Estes obradoiros pretenden ofrecer ferramentas á veciñanza que poidan usar no seu día a día”.

    Co lema “Súmate á vida saudable… Coídate por dentro e por fóra!” ofrécense charlas sobre alimentación saudable, pero tamén de expresión corporal e escritura creativa coa intención de usar o poder desta de forma terapéutica. En definitiva, un ciclo para cultivar a mente e o corpo. Todos os obradoiros trabállanse en grupo, invitado á dinámicas e impulsando a participación activa e o movemento.

    Os profesionais implicados no ciclo son Jaime Juncal, diplomado en nutrición humana e dietética, Nutricionista no Sergas e formado en Terapia Gestalt; Santi Jiménez, artista plástico licenciado en Belas artes; Isabel Mouso, mestra especialista en Educación Musical, musicoterapia e escritura expresiva; Marisé Barreiro, filóloga, escritora e gestalista especializada en escritura expresiva.

    A rexidora local quixo dar as gracias a Jaime Juncal “por organizar este programa tan completo e variado, tocando temas de actualidade e que preocupan de verdade á veciñanza. Este ciclo pode ter un impacto moi positivo nas vidas dos redondeláns”.

    As charlas, pensadas para idades comprendidas entre os 18 e os 99 anos, non teñen aforo e non precisan iscrición previa. Con todo, os obradoiros si precisan de inscrición previa a través do número 986 40 28 65 ou de forma presencial no Multiúsos da Xunqueira e estarán limitados a un máximo de 20 persoas por sesión.

    Calendario

    O día 10 de febreiro ás 19:30 horas no auditorio da xunqueira Jaime Juncal imparte unha Charla sobre alimentación saudable:  “Mellora a túa alimentación de xeito sinxelo”. O 24 de febreiro á mesma hora Juncal volve ao Auditorio da Xunqueira para dar unha charla sobre á industria alimentaria, analizando o contexto actual e ofrecendo recoendacións para unha esta da compra saudable.

    Santi Jiménez comeza o 11 de marzo no Multiusos da Xunqueira ás 10:00 horas presentando “Un xesto sentido, obradoiro de creatividade”, enfocado a persoas sa partir dos 16 anos.

    O 25 de marzo estará Iasbel Mouzo no Multiúsos da Xunqueira ás 10:00 horas co obradoiro “Escóitate,… ME…, NOS! para falar da nevesidade de ferrmentes de cohesión e expresión colectiva para conectar co propio, co alleo e co que nos rodea.

    O 1 de abril ás 10:00 horas no Multiúsos da Xunqueira Marisé Barro ofrece un obradoiro sobre escritura terapéutica chamado “Cadernos máxicos, o poder transformador da escritura terapéutica”, aventurándose na escritura persoal e autobiográfica e para persoas de 16 a 99 anos.

    O 15 de abril chega o momento de centrarse no corpo. Isabel Mouzo e Jaime Juncal presentan o obradoiro “Movemento e expresión corporal” no que se ensina sobre o movemento corporal como vía de autocoñecemento, pracer e enerxetización.

    O obradoiro de “Comida e ansiedade! impartido por Jaime Juncal terá unha duración de dous días, sábados 29 de abril e o 6 de maio, ambos ás 10:00 da mañá. Nel, non se pretende entrar nos trastornos psicolóxicos senón o uso que facemos da comida como vía de escape ante ansiedade xeralizada. Este obradoiro divídese en dúas partes, polo que a segunda é para as persoas que fixeran a primeira.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.