19.9 C
Pontevedra
Mércores, 19 de Xuño de 2024
Máis
    HomeComarcasRedondelaO meco de Redondela marcado pola mensaxe de "Non á guerra"

    O meco de Redondela marcado pola mensaxe de “Non á guerra”

    Este ano durante o  Entroido de Redondela, o Meco –figura representativa desta festa e que da forma á crítica mordaz sobre temas que durante o ano teñan sido actualidade–, representa unha mensaxe de unidade ante o conflicto xerado pola invasión de Ucraína por parte de Rusia. Na figura pódese ver ao mandatario ruso Putin sen pantalóns subido a un tanque no que aparecen mensaxes de “Non á guerra” e de loita pola democracia. 

    Un fragmento do audio que dará paso ao Meco do Entroido expresa o espírito deste de xeito tan claro como significativo: “Soan as sereas, alertan á poboación, dun novo ataque  da aviación no que só quedará destrucción, morte e desolación. Putin quere guerra, ten moitas bombas na despensa, máis lle valería enchela de comida en vez de tanques que só deixan miseria”.

    Nunha invasión que nunca acaba, todo son escombros e cidades devastadas. Nenos e nenas quedan sen avós, sen pais, sen nais, non quedan en pé escolas, vivendas ou hospitais….. Lume á guerra – Lume aos tanques- Lume aos malos gobernantes – Lume, lume, lumeeee!”.

    O meco deste Entroido 2023 que marca un tema de actualidade e de gran importancia mundial volve a estar feito, ao igual que o ano pasado, por Rubén Casal especializado en este tipo de representaicóns artísiticas, así como en artes escénicas e que leva traballando de forma habitual co Concello para estas datas.

    Durante a celebración haberá un espectáculo da mán de Pablo Méndez Performance cunha creación artística adaptada para a queima do Meco de Redondela. O concurso de disfraces, no que cada quen tira de imaxinación, tamén se celebrou este ano co seu formato habitual e premios.

    O noso Entroido é un xeito de dicir “que xuntos e xuntas sairemos desta situación de crise ao igual que o fixemos en todas as situacións difíciles que atopamos ao longo da nosa historia” apunta a alcaldesa de Redondela que engade que “a mensaxe de NON Á GUERRA une aos redondeláns nun momento difícil no que tamén estamos afectados directamente pola crise de prezos derivada deste conflicto. No pregón tratamos de reflexar as consecuencias da guerra nas perdas humanas innecesarias, únindonos pola democracia”.

    Ademais a discoteca móbil  (Duendeneta) comezou a percorrer as rúas en Alfonso XII e a primeira fanfarria galega 100% composta por mulleres animou á xente a bailar coa Batucada Brassica Rapa. Pero se todo isto fora pouco, cinco meigas percorreron a vila acompañadas dunha cacerola de feitizos xigante. Todo un espectáculo para xerar ambiente onde non faltaron os obradoiros infantís no Multiúsos da Xunqueira.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.