17.6 C
Pontevedra
Luns, 15 de Abril de 2024
Máis
    HomeComarcasRedondelaO Concello mellora o firme do camiño da Pega, en Chapela, atendendo...

    O Concello mellora o firme do camiño da Pega, en Chapela, atendendo unha demanda da veciñanza da zona

    Os traballos desenvolvidos nun treito de aproximadamente 200 metros, incluíron tamén optimización da rede de saneamento

    A Concellería de Vías e Obras do Concello de Redondela, que xestionan Vicente Lamas, vén de dar por rematados os traballos de mellora de firme do Camiño da Pega, en Chapela, una obra longamente demandada pola veciñanza da zona é a que agora o Goberno local da cumprida resposta.

    Os traballos, –que se desenvolveron nun treito de aproximadamente 200 metros e nos que se utilizou 36 metros cúbicos de formigón– dotan á zona de maior seguridade para as veciñas e veciños ao contar cun firme uniforme. Aproveitando estas obras, mellorouse tamén a accesibilidade do treito coa substitución das escaleiras existentes por unha rampla que facilitará a mobilidade.

    Nese mesmo viario procedeuse á optimización da rede de saneamento, traballos desenvolvidos pola Concellería de Medio Ambiente que dirixe Roberto Villar.

    Doutra banda, o Concello de Redondela adiantou que nesa mesma zona, e en breve, iniciaránse os traballos na parte traseira do Colexio Igrexa para evitar que nos días de choiva abundante vólvanse a producir episodios de inundacións como os acontecidos neste pasado inverno.

    Tanto a alcaldesa de Redondela, Digna Rivas, como o concelleiro de Vías e Obras, Vicente Lamas, salientaron a importancia que o Concello lle da “a todas e cada unha das reclamacións que, en materia de obras, formula a veciñanza do municipio e, como neste caso, dámoslle unha resposta o máis rapidamente posible”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.