O Concello de Redondela, a través das Concellerías de Novas Tecnoloxías e Persoas Maiores, xestionadas por Olga García Ballesteros e Iria Vilaboa, respectivamente, desenvolverá unha serie de obradoiros coa intención de que as persoas maiores melloren os seus coñecementos sobre as novas tecnoloxías e poidan normalizar a súa utilización para o desenvolvemento de tarefas cotiás.
A actividade, explica a alcaldesa de Redondela, Digna Rivas, “reafirma a aposta deste Goberno con todas aquelas iniciativas que contribúan a mellorar a calidade das e dos nosos maiores”.
Os obradoiros estarán formados por un máximo de 15 persoas o que permite un mellor aproveitamento da actividade na que, as e os participantes, adquiriran coñecementos sobre o funcionamento das máquinas de quendas dos centros oficiais (Concello, centro de saúde…), utilización dos caixeiros automáticos das entidades bancarias, sacar o máximo aproveitamento das funcionalidades do seu teléfono móbil e, en especial, á aplicación do Sergas que permite desenvolver todos os trámites sanitarios precisos.
O obradoiro trata, polo tanto de ofrecerlle unha axuda práctica sobre dispositivos vinculados ás novas tecnoloxías que son de uso cotiá e saber como facer uso do caixeiro automático, de uso case que obrigado, ou como coller turno nas máquinas que existen en case que todos os organismos públicos.
As persoas interesadas poden formalizar a súa solicitude, a partir do vindeiro luns 13 de xuño, no Multiúsos da Xunqueira e no Multiúsos do Piñeiral do Crego en Chapela. Posteriormente comunicaráselle ás persoas inscritas os horarios en que se desenvolverán os obradoiros.
O Concello de Redondela organiza obradoiros de novas tecnoloxías para as persoas maiores
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.