12.4 C
Pontevedra
Domingo, 29 de Xaneiro de 2023
Máis
    HomeComarcasRedondelaO Concello de Redondela inicia as obras de ensanche do Camiño do...

    O Concello de Redondela inicia as obras de ensanche do Camiño do Albarrén, en Cedeira

    A iniciativa enmárcase nun plan de mellora integral da rede viaria municipal de cara a facilitar a mobilidade segura da veciñanza

    O Concello de Redondela iniciará hoxe mércores, 12 de xaneiro, as obras de mellora e ensanche do Camiño do Albarrén, na parroquia de Cedeira, actuación que se desenvolverá no treito comprendido entre o camiño de Fortóns e a liña 810 de ADIF. As obras, adxudicadas a Construcciones Caldevergazo, S.L., contan cun investimento de 121.968,00 euros (IVE incluído) e con cargo ao Remanente de Tesourería.

    Co obxecto de minorar as afeccións a parcelas privadas, a obra contempla a execución de muros de contención cunha altura máxima de dous metros sobre cota de cimentación e situados a 4 metros do eixo actual da vía.

    Os traballos permitirán que o camiño pase a contar cunha plataforma de 5,50 metros de anchura media. Para o firme procederase ao estendido dunha capa de zahorra artificial de 25 centímetros de espesor sobre a que, posteriormente, irá unha capa de M.B.C. tipo AC22 BIN S, de 6 centímetros. Unha vez conformada a plataforma, será cando se proceda ao recrecido da capa de rodadura en toda a largura da vía cunha capa de M.B.C. tipo AC16 SURF D, de seis centímetros.

    A alcaldesa de Redondela, Digna Rivas, quixo agradecer a colaboración veciñal xa que, para anchear á vía, foi preciso contar coa cesión realizada por un total de 11 veciños e veciñas. Sen a súa boa disposición, afirmou a rexedora local, “tería sido moi complicado acometer unha obra que beneficia ao conxunto da cidadanía”.

    O ensanche do camiño do Albarrén é unha obra longamente demandada pola veciñanza dado que é unha vía de comunicación que cada día conta con máis tráfico, tanto rodado como peonil. A obra, unha vez finalizada, “supoñerá unha mellora substancial tanto á hora de facilitar a mobilidade de veciñas e veciños como de incrementar o seu nivel de seguridade”, explica a alcaldesa Digna Rivas.

    Rivas lembrou que esta actuación inclúese dentro dun proxecto global de mellora das vías de comunicación no rural. “As parroquias –afirma a alcaldesa redondelá– foron durante moito tempo as grandes esquecidas e unhas vías de comunicación axeitadas e seguras, son imprescindibles para conseguir o desenvolvemento harmónico de todo o municipio”.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS