21.5 C
Pontevedra
Venres, 19 de Abril de 2024
Máis
    HomeComarcasRedondelaFestival de bandas de música na Alameda de Redondela

    Festival de bandas de música na Alameda de Redondela

    Hoxe venres 30 de xullo, a Alameda de Castelao de Redondela será escenario de diferentes actuacións musicais, dentro da programación de verán que ofrece o Concello de Redondela.

    Ás 20.30 horas, e tras un pasarrúas por Alfonso XII e rúa Ribeira, terá lugar o 25 festival de bandas de música que reunirá as agrupacións de Chapela e de San Miguel de Oia.

    Tras o festival, ás 21.30 horas, actuarán os Fabulosos Zebulones, unha banda homenaxe de The Beattles, cun amplo repertorio de versións dos mellores temas da agrupación de Liverpool; e os redondeláns Chaleco Reflectante, agrupación de punk/rock alternativo, con Andrés Núñez, na guitarra e voz; Alberto Cortés na batería e Nicolas Nantes, no baixo.

    ActuaciónHoraLugar
    Pasarrúas bandas de música20:00 horasRúa Alfonso XII e rúa Ribeira
    25º Festival de bandas20:30 horasAlameda de Castelao
    Los Fabulosos Zebulones Chaleco Reflectante21:30 horasAlameda de Castelao

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.