12.2 C
Pontevedra
Venres, 9 de Decembro de 2022
Máis
    HomeComarcasRedondelaDigna Rivas reafírmase no peche do centro da vila aos vehículos pesados

    Digna Rivas reafírmase no peche do centro da vila aos vehículos pesados

    O Concello de Redondela pechou o tráfico pesado en tránsito polo centro da vila a mediados de agosto. Unha medida que, segundo a alcaldesa de Redondela, Digna Rivas, “permite axilizar ao máximo a circulación de vehículos no centro da Vila e que non afectará o tránsito de autobuses de liñas regulares”.

    Esta actuación provocou queixas por parte dos empresarios e veciños das parroquias de Amoedo, Cepeda e Nespereira (en Pazos de Borbén). Andrés Iglesias, alcalde de Pazos de Borbén, respondeu pasando a responsabilidade destas queixas directamente ao Concello de Redondela.

    Segundo Iglesias, o peche ao tráfico pesado a través de Redondela e a PO-250 supón “unha decisión catastrófica para o polígono de Amoedo xa que pon en risco a viabilidade das empresas e en consecuencia a estabilidade laboral de moitos veciños de Pazos de Borbén”.

    En resposta a estas acusacións, Digna Rivas mantense firme na súa decisión xa que considera que “a vila non ten por qué sufrir as consecuencias de que grandes camións circulen polo Casco Urbano para dirixirse a un polígono doutro municipio”.

    A alcaldesa quixo engadir que “a responsabilidade do acceso aos polígonos industriais é do Concello de Pazos de Borbén. Este tivo máis de 3 anos para actuar, dende que a Deputación de Pontevedra presentou un proxecto alternativo que resolvería o problema de entrada os polígonos industriais e polo tanto, é responsabilidade do alcalde de Pazos responder ante a situación”.

    Rivas quere aclarar que a decisión tomada polo Concello de Redondela está pensada en defensa dos veciños do municipio que “sofren este tipo de tráfico diariamente e que non teñen porque convivir cunha práctica que está sendo freada na maioría das cidades europeas”. Nesa liña, o Concello de Redondela segue as pautas marcadas pola Unión Europea no proxecto Ciudades 2030 “de facer urbes máis amables coas persoas”.

    A sinalización que reflicte claramente a prohibición do paso de tráfico pesado en tránsito polo casco urbano xa está colocada nos puntos precisos, así como na contorna da Praza de Ponteareas.

    COLABORACIÓNS

    Nazaret López, «Pecados veniais»

    Ás veces non resulta doado establecer o punto no que se sitúa a liña feble que separa uns xéneros literarios de outros. É coma participar nunha especie de xogo no que os autores rachan as barreiras establecidas e descolocan ao lector, quizais para provocar unha lectura diferente do texto que presentan.

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    74 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS