O Concello de Redondela mantén aberto o prazo para que, as persoas interesadas en participar como xigantes ou cabezudos nas Festas da Coca 2022, poidan presentar a súa solicitude. O prazo remata o vindeiro 2 de xuño.
As persoas interesadas, que deberán ser maiores de 16 anos e empadroadas en Redondela, deberán presentar a súa solicitude nos Rexistros de Entrada do Concello de Redondela indicando a modalidade na que se quere participar: xigantes, cabezudos ou mordomo.
Para xigantes haberá dúas prazas dispoñibles e, neste caso concreto, as persoas solicitantes deberán pasar unha proba previa para verificar a súa capacidade. No caso dos cabezudos hai 20 prazas dispoñibles e, finalmente, como mordomo, haberá unha soa praza.